حياتي بدونك ضايعه حياتي وش اسميها
حياتي وإن رضيتيها فداء لعيون شيهانه
حياتي رمز لعيونك حياتي لك بما فيها
حياتي ركب ناخت لك تنوخ لأحلى ريحانه
حياتي لك والله لك حياتي لك ما ابيها
حياتي تذوب بعيونٍ نواعس شبه سهرانه
خذيني واخذي أيامي بيوم ما أقول هاتيها
فداء بسمتك يا قلبي علي لا تكوني زعلانه
حياتي عاشقه لرضاك بدونه ضاعت معانيها
حياتي يا منى روحي بدونك ورده ذبلانه
اعشقه الرضا منك احبها روحك وتغليها
أموت بناعس جفونك أذوب باطراف كسلانه
احب الليل وساعاته ما غير أنفاسك تحليها
أموت بتنهيدةٍ منك تطيّح قلبي في مكانه
على شفاتك حلى معسول تناديني وأناديها
بصدرك واقف موتي أعض إبهام من شانه
يجن جنون من حبك إذا أيدينك تمشيها
على نحرٍ يهز الشوق ويثور الوجد بركانه
طلبتك يا سلى روحي حياتي لا تخليها
تلوى في حشاي الحب وذاب بالجذر أغصانه
راضي بحبك ..
العاشق ..
العرض الشجري
