إن كيدهن عظيـــــم .. (حتى العجايز ما سلمنا منهم ) اووووووووف

[الفـــــارس]

سمعو هالقصه الغريبه العجيبه بس لاتتعلمون منها ( على فكره منقوله عشان ماتنشبون بحلقي ) ..

في يوم من الأيام راح رجال إلى السوبر ماركت عشان يتبضع على قولتهم
وبينما هو يشتري أغراضه ...
كان ملاحظ حرمه عجوز تحوم حواليه وتراقبه من بعيد لي بعيد !!!!

واستغرب منها وقال في نفسه من هالحرمه وليش تراقبني بنظراتها ؟؟؟؟

وبعد ما خلص وأخذ كل مايلزمه راح عن (الكشير) وإذا بالحرمه كانت هناك قبله وتحاسب على الأغراض اللي اشترتها ...
في هالأثناء سألت الرجل وقالت له :

أنت شنو أسمك ؟
قال لها: فلان
قالت له : آآآآآآآه تعرف ياوليدي أنك ذكرتني بولدي المرحوم
هني بدأ يفهم سبب نظراتها له
قال لها اوووو الله يرحمه ويعطيج طول العمر
قالت له بس أنت تشبهه بشكل رهييييييب ياوليدي
قال لها : يخلق من الشبه أربعين
قالت له : ممكن أطلب منك طلب .. بس لاتردني أرجوك
قال لها : خير شنو طلبج وإنشاءالله أقدر البيه لج؟؟
قالت له : هو طلب واحد وأنا متأكده إنك تقدر تنفذه وماراح يصعب عليك
قال لها : خير
قالت له : خير بويهك ياوليدي بس كل المطلوب منك وبما أنك تشبه ولدي وااايد أطلب منك تناديني يمّه
قال لها بس جذي !!! ( يمّه)
قالت له لالالالالا مو هذا قصدي .... قصدي
وأنه ماشيه الحين تودعني وتقول لي مع السلامه يمّه وتكررها كم مره

أرجوك ياوليدي لاتحرمني من هالطلب تكفى

وبعد ماخلصت مشت وهو نفذ طلبها وقام يقول لها ( مع السلامه يمّه ) عدّة مرات
ولما جاء دوره يحاسب طلع له الحساب فوق مايتصور وأكثر من اللازم أستغرب
وإستفسر منهم

قال له الكيشير أن والدتك طلبت منّي أسجل الفاتوره على حسابك
انصدم الرجل وعرف سر كل هالمسرحيه اللي مثلتها عليه العجوووووووز
وفعلاً أن كيدهن عظيم


مع تحيات

الفارس