انتي غير الناس
انتي .. محد يشبهك فـ مرايتك
إلا عيونك
إنتي من يقدر يخونك
علميني
كيف اسافر في تضاريس التناهيد الحزينه
كيف اشوفك في عيوني
طفلة ترسم مراجيح المدينة ...في يديني
علميني
كيف يجمعنا وطن
وكيف يبعدنا زمن
وكيف ادافع عن خفوقي
من طعونك
لو هجرتك
وش يردك في حيـاتي
غيرك انتي
ولو سهرتك
وش يذكرني بليلي
غير صمتي
*
*
جيت متنكر
لبست جروح غيري
ولما صار الحلم يكبر
قمت ادور عن مصيري
علميني
كيف تجمعنا خطوط الطول
من خلف الحنايا
وابحث اكثر
في دوائر عرض خصرك
عن زوايا
وانثر الباقي من اليابس بصدري
في بحيرات النوايا
انتي لما تضحكين
الشمس تشرق من شفاهك
واحس اني حزين
ولما ابكي تسمعين
وما قدرت اني افرق
بين آهاتي وآهاتك
علميني
كيف يبقى الجرح
نفس الجرح
في كل الأماكن ؟
وكيف صار الورد داكن؟
لو سمحتي
ممكن افتح نافذة هالحزن
وابحث في جبينك
عن علاقه
تربط التاريخ .. بالجغرافيـا
والحروف الأبجدية
من الألف .. لليـاء
عن نقوش تشبه الحناء
وحنا والطفولة
وعن اساور تلبسك في معصمك
أو تلبسيها
علميني .. وعلميها
كيف اعد أيام عمري
بين اصابيعك
والاقي دبلتك تطوي سنيني
كيف اواجه دمعتينك
لما ابيعك
بعدما يجمعنا حديث جانبي
في أي موقع ..
تعرفين اني تخيلتك عروس
واحترقت اكثر
وطاردت الهجوس
اتركي لي أي لحظة
آخذ انفاسي بها
وابدأ اخونك
آآآه
يا اخر محطات اشتياقي
وكيف اسافر
ومابقى لي في جنون الشوق
غير دمعات ومحاجر
*
*
*
اخوكم
حمد