هذافيه واحد توه معرس وخلصت الامور اللي في القصر وقام العريس خذا زوجته ودعس للقصيم يعني العروس من
الرياض وهو شغله في القصيم وطول الطريق وهالعريس يسولف ويهذر والعروس ساكته ومبرطمه ماحولك احد المهم
يوم شافها ساكته وماتسولف قال اسكت واشغل المسجل احسنلي والعروس المسكينه وقتها كانت محصوره تبي
تروح الحمام بس مستحيه تقول فقالت لحالها اطمر بالمرتبه اللي ورا علشان انسدح ويخف الوجع الين مانوصل
لمحطه المعرس قزذيك المحطه وصفط عندها ونزل يشتري من البقاله يشتري بزر وببسي حق الطريق الاوتقز العروس
ذيك الحمامات حقت الحريم اللي بجني المسجد اللي بجنب البقاله قالت يمديني اروح اطمر وارجع قبل مايرجع
بهالوقت المعرس رجع للسياره بعدماشرى العصير والبزر هوكان يبي يشتري شريط محمد السليم بس قال ماهي زينه
بليلت العرس اشغله المهم ماانتبه للمرتبه اللي ورا خبركم عبايه سودا وليل مايبين المهم دعس وراح بهالوقت
طلعت العروس من الحمام بعدماتريحت ونقص شوي من وزنها طلعت المسكينه على السياره وزوجها مافي احد عندها
غير ابوايمن راعي البقاله وهنود المحطه المسكينه حتى بداخلها ماهي قادره تصدق انه راح وتركها تقول يمكن راح
منا والامنا واكيد بيرجع بعد ربع ساعه الاوتقز ذاك الجمس اللي جاي حتى صفط اللين ماتاكدت انه عائله وتقول
زين عائله وتروح ترمي نفسها للحرمه اللي قدام وتقول ياخالتي اناداخله على الله ثم عليك وتقولها السالفه
وقالت لها يابنت تعرفين سيارة زوجك قالت لها ايه اعرفها قالت وراه ويعبون بنزين ويدعسون اللين مالقوه على
بعد نص ساعه ويكبس له راعي الجمس على اساس انه يوقف ابدا ولاهوواقف بالعكس زاد السرعه فتخيل عزيزي
القارئ تكون مكانه ويجيك واحد يكبس لك بالضو بطريقه مريعه و ش راح تسوي ؟؟المهم قال العريس اكيد هذولي
شلة همل يبون يضربوني يافشيله قدام العروس شوفوا وش سوا الذهين راعي الجمس..
v
v
v
v
قام وولع نور السياره فايوم شافه المعرس نزل معصب <<عامل فيها ابوعنتر
ونزل راعي الجمس من اللي متوهق اكيد هو راعي الجمس وشلون بيقول للعريس زوجتك معناجابها
بطريقه حلوه قاله انت مضيع شي قال لا مومضيع قال لاروح تاكد قال طيب راح يسال يامره فيه
شي ضايع لك ماحد رد عليه المسكين شك بالموضوع راح لراعي الجمس قاله هات السالفه المهم
قاله السالفه والله لويدرون اهلها لغير يفضحون العريس يقولون خذيت بنتنا وضيعتها ؟؟والله لاتصير علك
دائم الحلى العريس جميع انواع النفاضات نزلت عليه راح وقال للعروس يالله طسي زوجك ينتظرك بالسياره
المسكينه ماصدقت خبر الا وينطلق لسانها وتسولف وتتعذر وتقول والله كنت مستحيه اقولك وانت ماشالله عليك
انطلقت طيب اصبر نادي ..<<ياشين التميلح توها تتميلح الحين صار الوضع عكس العروس تسولف والعريس
ساكت ماباقي غير تسوق علشان اخينا مرتاع من اللي صااار..:)
اتمنى انها اعجبتكم مع تحياتي هذه القصه جتني عالمسن
منقووووووووووووووووووووووووووووووووووووووووووووووو وووووووووووووووووووووووووول*t
العرض الشجري
