كنت نايم في السطح واستيقظت انا والشمس من مرقدي ذات مرة على صوت خربشة في أذنـي فاذا بها نملة قد توغلت في أذني وقمت كالمقروص منطلقا ومطربقا نحو المطبخ فانتشلت منه علبة الفليت وبخخته في اذني وماتت النملة .. #c ..
ومن يومها ماجاني النوم افكر واهوجس في تلكم النملة اللي فطست واتخذت اذني قبرا وضريحا ومرقدا لها وفي راسي تساؤلات هل لقد ياترى يمكن تكون ذيك النملة ام عيال رايحتن تبحث عن قوت لعيالها والا يمكن يكون رجال رايحن يسدد الاقساط والفواتير .. وتمنيت انها تكون شاب جامعي يدور بملفه الاخضر يبحث عن وظيفة فساعدته على فراق هذه الحياة ؟؟؟؟؟؟ <<<<< :@ اقول اخلص بس وعطنا الحسناء اللي تقول..
والمشكلة اني امضيت عشرون عاما وانا مابرحت افكر بذيك النملة اللي ماتت في اذني واذامشيت في الشارع اتوقع برجولي واشوف اللي تحتي يمكن يكون تحتي نملة خايفن ادعسها وتزيد معاناتي .. وفي اسواق صحارى كنت امشي واشوف نملة قدام معرض عطور وتخرج فتاة طويلة القامة من المعرض وبغت تدعس النملة واجيكم انا طاير متزحلق على بطني ( مثل سامي الجابر وهو يفرح بالقوووووول ...) المهم اني ادركت النملة وانتشتلها من تحت اقدام تلكم الفتاة اللي صرخت من شدة الخوف و رجعت بخطواتها الى الوراء لتحتضن صديقتها وتتناثر اكاسيها . حملت النملة بين يدي بكل حنان وانا اقول للبنت: اوما تخشين الله .. بغيتي تدعسين ذا النملة الضعيفة برجولتس ؟؟؟ ورمقت النملة بعيني وفحصتها : لا وبعد هذي النملة بنت مثلتس مهيب ولد ؟؟؟؟
تحلق حولي من في السوق وهم يكركرون ويضحكون واصحاب المعارض يعرفوني زين وجمعوا ماتناثر من اغراض الفتاة الحسناء وعطوها اكياسها وعيال اللذين حطو جوالي في كيس العطور واخذته البنت ثمن قالت: مسوي كل هالزحمة عشان هالنملة عسى منتب ابوها بس ؟؟؟ على بالها تنكت . :D .
قلت لها : وش لون اصير ابوها وانا مابعد تزوجت الى يومتس ؟؟؟ <<< حركات التلميح مانيب تاركها
;( اضرب الحديد وهو حامي ياولد .
رجعت البيت واول مادخلت قعدت ادور جوالي وطبعا تهاوشت مع كل اللي في البيت ... واقول لهم .. جوالي هنا كنت حاطة فوق المنضدة من اللي شاله ! *2 !! .. ودقيت عليه عشان اسمع وين يرن فيه يمكن يكون فوق المنضدة والا تحت المنضدة والا جمب المنضدة والا بعيد شوي عن المنضدة ولا في الغرفة اللي مقابلتن المنضدة <<<< اقول ياشين اللي يعلمك مرتن ثانية على المنضدة ومعناها .
ويوم دقيت على الجوال ردت وحدة بنت _اجل وحدة عنز _ واسمع صوتا ناعما لا اعلم كيف انساب وسكن سويداء قلبي وجعل يخرش في اوتار قلبي خرشا وكان رقيق جدا <<< ارق من صوت النمل قليلا <<< اقول انطم انت ونملك كمل ترانا خقينا مع ذا الحسناء وتوها تزين السالفة.
قلت لها : لو سمحتي اعتقد اني صاحب النملة ..قصدي الجوال ممكن اعرف كيف اخذتيه .... ضحكت ضحك عالي واخذت تلتقط انفاسها عشان تتكلم ... وكل ماجت تتكلم رجعت تضحك ...
قلت لها وبكل كبرياء :: لو سمحتي انتي الحين تضحكين على حسابي انا وبعدين انا ممكن اتنازل لتس عن الجوال اذا بغيتي بس عطيني الشريحة مخزن فيها ارقام كثير ...
قالت بصوت عالي اتضحت فيه بـــحة جميلـــة :. وش مخزن فيها.. ياحسرتي .. فضحكت قليلا .... نعبوا بليسك خمسين رسالة في جوالك كلها نكت في النمل . اولها نملة تذاكر فوق جبل ليه ... تحضر دراسات عليا .. واخرها ... نملة قاعدة باعماق البحر ليه ... تفكر بعمق ههههه ورجعت تضحك.
استحيت انا شوي وهددتها وقلت ماسمح لاحد يطلع على اسراري ورسائلي الخاصة . ثمن دريت انها نفس البنت اللي تصادمت معها في السوق وان جوالي حطوه باكياسها بالغلط ..
وقالت : ياخي انت مشاعرك رقيقة جدا وحساس وغريب يكون في هالدنيا احد مثلك حنون وعطوف .
حسيت انا عاد انها تبي تاخذ معي بالكلام وتمدحني عشان اتنازل لها عن الجوال والشريحة ويمكن بعد تبيني اسدد فواتيرها .
وجبت امي وخليتها تكلمها وتاخذ عنوان بيتهم عشان نروح نأخذ منهم الجوال . وصلت بيتهم وطلع قريب من بيتنا يعني جيران وحتى النمل بحارتهم اكيد انه يعرف النمل اللي بحارتنا <<< هذي اخر مرة تقطع السالفة بالنمل فهمت اخلص علينا . *2 ..
لبقت السيارة عند باب بيتهم ونزلت الوالدة وانا كنت عطشان ومشتهي عصير بردقان نزلت من السيارة وقلت للوالدة : يمه انا مشتهي عصير بردقان ..اذا عطتك الجوال .. بالله على طريقــكتس اخطبيها لي عشان اشوفها وتسقيني كاس عصير... قسم بالله يمه عطشان ...
وماقصرت الوالدة دقيقة وهي جايبتن الجوال وقالت يالله ادخل عشان تشوفك البنت وتشوفها .. ودخلوني بيتهم ومالبثت قليلا الا وهاهي الحسناء قد خرجت علينا في ابهى حلتها _تحمل طوفرية فيها كاس عصير _ وجعلت ابحلق واحدق عيناي فيها فكانت فارعة الطول لينة العود لها عنق اشد نعومة ولمعانا من عمود الرخام..
ويوم دنقت قدامي بالطوفرية اخذ شعرها ينساب على كتفها وذراعيها كانسياب الندى على اورق الشجر ... *u وتاخرت قليلا ما اخذت كاس العصير ابيها تقعد مدنقة عشان اشوف .... وكل ماجيت اخذ كاس العصير يطلع لي بليس ويقول.. تركد وانظر الى ماوراء العصير البنت مدنقة قدامك ... وشفت !! *s ! احم مانيب قايل وش اشوف ذي زوجتي عيب اقول ..
فشربت العصير _ اجل اكلته _ تصدقون انه عصير سنتوب شقوه من الكرتون وصبوه في كاس جبن سايل .. وبعد ماشربت العصير قلت ميد اخو البنت : عسى بس ذا العصير مهوب عصير الفسحة حق بكرة ههههههه . سكت اخوها وهو مستحى ويناظرني بحقــد .. . *2 ... مدري ليه يمكن عشاني شفت اخته .. وتمت الخطوبة وتم العرس سريع سريع ...
وبعد العرس وقعت تلك الحسناء في المستنقع صــدق .. وكله من ذا النملة اللي براسي .. عجزت افهم قانون التكاثر البشري كيف تتم عمليته .. #m .. وعجزت اخلق علاقة حميمة مع بنت الحلال اللي ماقصرت معاي ... المهم ذا الحسناء تورطت فينى ورطـــة .. كــتورط أحدكم حينما يشتري سيارة وتطلع مكينتها مخبطة وتلقاه يدور بها في الصناعية <<< عشان كذا لازم الناس تسوي فحص طبي قبل الزواج . .
وصرت انا وزوجتي ماغير ندور في العيادات النفسية .. ورحنا عيادة (الدكتور بسيوني) وقرر يسوي لي عملية غسيل دماغ كود تطلع ذا النملة اللي براسي وتتعدل افكاري وحطو سماعات تشتغل في اذني وصوت واحد يقول : انت انسان مالك أي علاقة بفصيلة النمل .. وكل ماسواء الانسان هو مسخر لخدمته .. ومافيه شي يعني تقتل نملة .. تقتل خروف وتاكله ... تقتل حمار وتاكله عادي اهم شي الانسان .
وبعد عملية غسيل الدماغ قعدت مع زوجتي وسالني الدكتور: خلاص ارتحت اقتنعت .. قلت خلاص انا بالنسبة لي اقتنعت والحمدلله انا انسان مالي علاقة بالنمل تدعسونه تذبحونه تطبخونه مايهمني ابدا...
فرحت زوجتي وابتسم الدكتور :D وقال : الحمدلله مش الــتلك يامدام دي شغلتي وانا حاغسله غسيل انما ايه شايفة ازاي .. معليش اصل غسيل الدماغ دا لعبتي انا وعلاجة مايخدش معايا حاقة ..
وقلت للدكتور بسيوني : طبعا قلت لك انا اقتنعت اني انسان .. بس يادكتور ابيك الحين تجمع النمل وتسوي لهم غسيل مخ وتقنعهم انهم نـــمــل واني انسان ومالهم علاقة فــيني ومافي راسي قبر ولا ضريح ولامرقد يخصهم .
7
7
7
7
7
7
7
7
7
7
7
7
7
خرجنا من العيادة انا والدكتور وزوجتي نحبي على الركب حــبوا ونجمع ذا النمل عشان نكمل الخطوة الاخيرة من العلاج ...
الفائدة .
1- الفحص الطبي قبل الزواج مفيد جدا[/COLOR]
العرض الشجري
