فـي يـوم من الايام ويحنما خرجت من البيت ( بدا شغل الكلام الفصيح ياخذ مفعووله )
وانا ضايق(ن) صدري من مشاكل البيت خابرين انا التسبير البيـت ودايم طلبات ما تخلص
قلت وراح ما اخذ لي لفة زغاره اروق المخيخ الايمن والايسر وتسلوتي مالكم بالطوويله
وفي حوار خاص بيني وبين نفسي قلت وراك ياالصعب ما تشووف لك بنت تحبك وتحبها ولا تكون طامعه في رقم بيجرك ( خابرين البنات كلهن خاقات على رقم بيجري ) دورت في عدت منديات عن هذي البنت ولاكن الكل داخل على طمع
المهم بعد معاناه دامت عشر طعش دقيزه و30 جزء من الثاني قررت ارجع الى البيت لان مابوه فايده من التسكع بالشوارع رجعت البيت وحالتي 180 درجه شرقاً ( قافله حدي )
دخلت البيت الا باميمتي مستقبلتني بزبيريه ومعها شلة بزارين ( بعضهم اخواني والباقي سلف من الجيران )
دخلت البيت على نياتي خابرين اني بريء وكل حياتي من المسجد الى البيت وتوصيل طلبات البيت ( من كثر الطلبات صايرن اسلتم راتب كل شهر )
قلت وراكم متجمعين ان شاء الله خير ردت اميمتي من ناظر خشتك مافيه خير
قلت اميمتي ما يحتاج تكفخيني عند البزارين وتنزلين كرامتي بالارض ( متـأكد ان لك كرامه ) الخـلا اقـول ( اوكي شكراُ )
اميمتي ما لقيت الا الشغاله تتغزل فيها يعني قلة البنات تتغزل بالشغاله قلت اميمتي من يحتمل بشاعة منظر ولدتس يعني حصلت لي بنت الجيران وقلت لاع ( من حق امم )
حاولت افهمها الموقف وامطخ راسها بووسه وكمن اعتذار وياطويلة العمر الا هي خاقه معي خخخخخخخخخخخخخخخخخخخ
ذهبت الى السطوح انشر الغسيل الكل يتسأل عـن السبب ( موعد غرامي مع الشغاله )
احــداث السـطـح
ما ناظرت خشتي الا اني بغابــه وقـدام هـذي الشله
مسيكم الله بالخيرر يالـربـع ( مسوي منهم وفيهم )
الخـلا بس مسوي تمون انت وخشتك ( طبعاً الكـلام لـدب )
قسمن بالله لو تقول عني اي شي بدنق رويسي واقول حاظر ( مانيب رخمه بس حالة الطوارى )
المهم كل واحد مسكني من جها وخذ تكفيخ على كيف كيفك بس انا تحملت وقلت تمون انت وياه بس تكفون خلوني في حالي
وش تقول نخليك في حالك ما راح نفكك الى اذا صرت من اتباعنا وعشت معنا بالجزيره
( واحد يغمز لخويه ويقول نبي نزيد عددنا ورانا حرب مع الاقزام )
قلت في نفسي اها الدعوا تسذا اوتس هين هين يالضبان << انحرف عن مسار الموضوع
المهم مشيت معهم لين وصلنا الى بيت شبه مهجور قلت وش فيكم عسى ماشر
( بيني وبينكم شكيت في نفسي وانا ولد اطخم وحلو )
قال لي ادخل قلت قسمن ما ادخل تكفى لا تدخلي انا على وشك زواج واهم شي على الرجال شرفـه
يالخبل ادخـل محنا مسوي لك شي البيت المهجور هـذا فـي الغـاز واذا حليتـها راح نخليك
ونطلق سراحـك ولاكن اذا ماحليتها المـوت حليفك قلت اوتس بدخل وهذا الحل الوحـيـد لـي
دخلت البيت المهجور وانا اعصاقيلي كنها براطم ياسر عرفات هـزاز ( وجه يمد لسانه )
المهـم دخلت واناظر درج مكسور ومكتــوب وشـلون تصعـد وهـو مكسور
هـذا يعـنـي لغـز قلت طيب اخذ لي اصنصيرر واسعـد
الا يرد واحـد لقـد حللة الغـز الاول يالدلــخ ( حتى هو ماعنده اسلوب ) خخخخخ
واصلة المسير فـي هـذا الـبـيـت واتعلـدز بشبك العنكـبوت واصايـح فكوني فكـوني
المهم مافيـه احـد يسمـع وجلست على هـذا الحـال فتـره طـويـلـه
بدون ماحـد يطـل علي او يسمع صياحي
دخل على واحـد مـنهم يقـول اطلع اطلع بسرعه بسرعه
قلت وش فيك علامك تو النـاس قال الاقزام في طريقهم لنا ونبيك معنا بالحـرب
قلت ازهلها وانا اسم جـدتي صيـته
كنت اضن المسأله اقـزام اتـوطى بطنهـم ولاكـن حـصـل ما لم يكن في الحسبــان
اذا هم مجموعه كبيره توصل عددها فوق 100 الف مقاتـل
سليت سيفي وانطدلز لهـم وبكل شجـاعـه
وقفت امامهم قلت وش بلاكم مسوين ازعـاج يعني مافـي احـد وقفكم عـنـد حـدكم
قال القزم وشلون توقفني عند حـدي قلت زبريية اميمتي لا زالت معي ضربه وحده
الا انك صاير بدون مـلامـح ههههههههههههههههههههههه
وصارت المعركه وهجـو اخوياي ( صارو اخوياك هااه ) وبقيت انا احارب بشجاع ( كل هذا ابين لكم اني بطل..لحد يفهم البطل المخزي لا يروح بالكم بعد خابر ان تفكيركم شين )
نـتـائـــج الــحـــرب
مرطغووني لين قلت بس وصرت انـا والارض واحـد وحملوني الى جزيرتهم
( وصار الكل يتفرج علي تسني تمثال الحريه )
قلت ياقزم ممكن تعطيني قليلاً من الاكـل قسمن جوعـان قـال طيب وطلب بأحضار الوجبات لي وانا طابرتن بوهتي من الفرحـه قلت بس واخيراً ضحكت لك الدنيا
سدحو جميع الاطعـمـه امـامـي وانـا انـظـار وقال لي الحين يتنفذ اوامرنا قلت لهم لاع
ويسحبون الاكل
قلت رجعوه رجعوه وتهـتـز الجزيره كلهم
قال يركدون بنعطيك الاكـل ولاكن بشروط
قلت سـم
قال تصيرر خادم لي وش قلت والاكـل هـذا قـدامك اذا موافـق اكـل
قلت بغير شعور موافق موافق موافق << ماخذها من طاش ما طاش
الـي فهـمـتـه
المهم السالفه كل واحـد يضمني لصالحـه للحـرب
الاولي كـان لغـرض محـاربـة الاقـزام
والثانـي كـان لمحاربة الساموراي
انطلدزت مسرعـاً للحـرب مـع الساموراي مشيت وانا افكرر طيب لو مت وش راح استفيد
من كلام القزم ورا ما اترك الساحه وانطدز ادور مكان يلفني ويصبر علي لمن اشوف اهلي
وناسي وعيال حارتن اتويطس والله اشتقت لكم لاكن الرجال عـنـد كلمة ولازم اوفي
بوعدي وثمن القزم يلبي وعده ويدلني على طريق الرجعه << فلم هـنـدي
مافـي الا هـذا الحـل وصلت عـنـد مكـان الدلووخ وقـلت اعـلن البدا ولا احتريهم يقومون من النوم <<== اخلاق حتى في الحرب ههههههههههه :D
انتظرت الى الصبـاح وقلت مافيـه الا الحــرب واطلق صافرره والكـل منهـم يقوم الا يناظر
خشتي ويقوول الموت لك قلت ماعليك زود ( رد ماصل وصريح ) وانطلقنا انا وياه
نتجادل بالكـلام وثمـن اشتعـل القتـال بيني وبينــه
يتجمعون الشله علي واذا بي اقول وقف وقف وقف وقف
قالوا هااه وش فيـك بعــد قلت قسمن كلكم علي ما يصلح واحد واحد
<< طول هذي المده يده بخصره وشغل بزارين
قالو طيب راح يصـير واحـد واحـد واذهـب انا مـع الاولـي الي بصوره حـافـي وقـزم
اتوطى بطنه واخلي خشته بـدون ملامــح
عصب واترفعـت الحـرار مـنـه وقال المـوت لـك تـوه يمـد السيف الى كرشي
الا انـزل ورعص السيف بكرشـه واترحـت من الاول باقـي الشلـه التفيت لهم وانا اضحك
الا فـي حـالة قـدره وخيـانه يهجموون علي كلهم وانا انحاش قلت قسمن منتو رجال ( قايل لكم بزر )
مجــرد اقــتـراح
وانحاش قلت ياولد مافيها فـايـده خلك بالحـرب واذا مـت يكفي انـك شهـيـد
بس الغـريب قـلت وشلون صايرين كثار قـال جمعنـا شلة من القبايل الثانـيـه
قلت اها
يلا خلونا نكمل الحـرب ( شغل ماصل ) :D
بداينا الحرب بعـد توقف بسيط للمحاوره وخذ ياتكفيخ ورفسه منه ورفسه مناك
قسمن احس اني بحرب بصدز وصاير ابتسي على حـالي << دلخ
لحظه يالاعضاء بوقف شوي صاير ابتسي من قلب
الدحمي الدحمي << يكلم اخوه مالكم دخل
نعم وش تبي يا اخوي التسبير << انواع الاحترام *8
قلت رح جب فصطـان اميمتي كاتب موضوع حزين وصاير ابتسي <<
راح اخوي يجيب فصطان اميمتي ومسحت دموعي
المـهـم مـالـكـم بالطوويـله استمرينـا على هذا الحـال برهه من الزمن ( متعوب عليها )
وقلت ياشباب ورا ما تسمعونـي
وقف الجميع ( هااه وش عندك خلصنا )
قلت تعرفون ان هذا زعيمكم ما يحبـكـم قـالوا ليـه
قلت لو يحبكم ما خلاكم في هـذي الحرب لانه ماهوب خايف على ارواحكم < ذكي > ههههههههههههههههههههههههههههههههههههههههههه
الكل حس بهذا الشي وصـار يلتفت علـيـه وقـلت هـذي فـرصـتـك ياهجمـه ونلتفت كلنا عليه
الا وهو عصاقيله ترتجف تسنهم اناتل مرسـدي خخخخخخخخخخخخخخخخ
وثمـن وجهـة المسـدس اتجـاها وقال لي
سـاعـدنـي ياالصعب .... وانــا اللـي مهمله وتعبت
اكتب ما يستـفـاد واندزلع
1- ســلام تسبيـر لجـدتي ( صيته ) لطلته على الموضوع مرتن ثانيه
2- القصه مجرد ذكر بطوله من بطولاتي واخبركم اني مانيب هين
3- لا تحسبن الاقـزام سهلنا تراهم ماهوب هينا ( لاحد يدقق )
4- هـل يكون لموضوعي رد تسبير كسابق عصره او مجرد شخابيط كتابيه بدون قراءة
تخبصــاتــي الحـاره
العرض الشجري
