دار الغـرام

[ليتك معى]

[poet font="Simplified Arabic,4,skyblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" glow(color=darkblue,strength=5)"]
دار الغـرام ولـف بالقـلـب لافــوف = لااع الولـع قلبـي وروحـي صرمـهـا

يا خشم ريم من عنا العيـن مشغـوف = سيـف الهـوا بالحـال يلحـي لحمهـا

القلب رفرف وانغرف غـرف بصـدوف = والـروح فـوح الجـوح يلفـح فحمهـا

جسـر الغـرام بلامعـي زل بـزلـوف = نـزع زلـزال زلزلـه عــن قدمـهـا

مانـي بكـف العـذل عنـي بمعـروف = لا تبحـثـه بالله يـقـبـس لغـمـهـا

الله خلـق بالنـاس نـاس بهـا نـوف = والشمس ما تخفى العرب مـع عجمهـا

كاس الهوا في باب الاسبـاب مـذروف = من ذاق رشـف شفـاه يفـرق طعمهـا

ولولا الهوا ما رشرش الريـم بخشـوف = والناس نسنـاس الهـوا هـو نجمهـا

خشف عفر فارع ظفر عشـر مكشـوف = تـل القـلـوب وسلـهـا واستلمـهـا

رعبوب رعب الطرب كاعب و غطروف = عمهوج ريح العـاج مـن عـاج فمهـا

تمشي تهـز الخصـر تنعـاج بعطـوف = مـا للهـوا بـه مـال عـوذا كصمهـا

بعيونهـا رايـات وآيـات وحــروف = ترمـي هـل الغابـات سـم نسمـهـا

مـا دار دورة نهدهـا نــز بـوقـوف = نشوى ابد ما نيـش مشمـش حرمهـا

واكثل كثيـل لـه كثايـل مـع زلـوف = يلعب على هاضـم ضميـري هضمهـا

اعفر برى طرز الطـرى صـدر ردوف = اطخـم ولا قـد شفـت مثـل طخمتهـا

شربت شـذيٍ بالهـوا كمـع وكفـوف = من طاح بتفاحـه حـرق مـن وحمهـا

يـا نـاس خلونـي اشوفـه وبحـوف = لامـوت فـوت وناظـري مـا فهمهـا

يسلـب قلـب المبتلـي فيـك مكلـوف = ارفـق تـرى نفسـي تقطـع وذمـهـا

امنـع طريـح طـاح بيديـك مكتـوف = سلم العـرب مـن سالمـه فـي لزمهـا



ولكم مني صادق الود

ليتك معي






[/poet]