(( التوووووووبه ))

[هـــايم]

السلام عليكم ورحمة الله وبركاته

اولى مشاركاتي فالمنتدى وليست اخرها

أتمنى أن تليق بحسن ذايقتكم


[poet font="Simplified Arabic,4,white,normal,normal" bkcolor="crimson" bkimage="" border="groove,4,black" type=2 line=200% align=center use=ex length=0 char="" num="0,black" filter=" shadow(color=black,direction=135)"]
البارحـه مابـيـن تنهـيـده وعـيـنٍ ماتـنـام=
عزّمت أسيب الحب وأعلن توبة القلـب الجريـح
وأروح في فالي واعيش العمر كله فـي سـلام=
وأترك دروب أهل الهوى وإن عشت سدي مايبيح
خلاص ياقلب العنـى لملـم جروحـك والهمـام=
من واقع اللي صار عفت ولايصح الا الصحيـح
نطوي مسافات التعب والنور أخير مـن الظـلام=
ونلقى لنا بعـد التعاسـه والعنـى جـوٍ مريـح
ونعيش أنـا ويـاك مرتاحيـم عـامٍ بعـد عـام=
وبابٍ يجي منه الشقى ياقلـب صكـه وإستريـح
ماعاد لي فالحب وأهل الحـب غايـات ومـرام=
ولالي ورى غيث الغرام إن كان في وصله شحيح
أعز نفسي وابتعـد وأرتـاح مـن كثـر المـلام=
وكلمة ( ياليت ) و ( لو ) ننساها يابو وجهٍ مليح
يامن علـى كفـه عرفـت أول مفاهيـم الغـرام=
خرجتني عاشـق يطـول المستحيـل ولايطيـح
ياصـل مرامـه لـو تحدّتـه الليالـي مايظـام=
قوّي بـاس ويحكـم العقـدات ولسانـه فصيـح
وليـا بغيـت اللعـب يامحبـوب نلعبهـا تمـام=
خبير في باب العذاب إن جات للهـرج الصريـح
واليوم مالك فـي وطـن قلبـي محـلّ ولامقـام=
تمثال حبك جيش قلبي صوبـه وأصبـح طريـح
وأرجوك تاخذ ذكرياتك وإبتعـد مسـك الختـام=
عزّمت أسيب الحب وأعلن توبة القلـب الجريـح
[/poet]