السلام عليكم ..
اول الغيث قطرة ....
هذي القصيدة اهداء ا... وعسانى غبت ... وجبت اللي ... يعجبكم
فات العجاج وقلت بالخير متبوع /**/ واثر العجاجة مقتفيها عجاجه
بالعين شفنا الحيف والعدل مرفوع/**/ وبدا يغَاب النور عقب انبلاجه
وابعد علينا العدل من حبة الكوع /**/ وصار الخطر من راكبين الحداجه
وعن الوطا غيث السما صاار ممنوع/**/ الله يعجل لمته بانفراحه
قولو لبو فيصل ترى الشرمزروع/**/ ويصعب عليه الي تعظم علا جه
لايترك الدنيا بلا شبوح وطلوع/**/ نخاف من سيل يزيد ارتهاجه
لازم يحط الحبل مثنى ومربوع/**/ ويخط له دربً مايجيبه عوَاجه
والقصر لوانه من الصلب مصنوع/**/ ان عاب ساسه ماتفيدك براجه
والراس مايفزع الى صار مقطوع/**/ وللحي ماقالوشف الميت ناجه
والبيض مالبسن من الطاس ودروع/**/ والصبح بين ينعرف با نفجاجه
ولاحى ألأ يعرف الشبع والجوع/**/ ونفسه لها في كل الايام حاجه
اشوف ناس زادو الخبث بطبوع/**/والكل منهم قام يرفع حجاجه
ماجربو غارات طامع ومطموع/**/ ولا دوجو بالحرب يوم المواجه
في ساعة فيها الصعب يهتدى طوع/**/ ان صار لافواه المدافع لجاجه
كم واحدٍ في ماقف الطيب مشلوع/**/ ينقص مقامه عقب فعل السماجه
كم واحدٍ يصعد للافلاك بطلوع /**/ بعزم حديد الصلب ذابه وعاجه
لقيت ناس ما لقى لاصلها قوع /**/ وشفنا الفهد والذيب يتلى نعاجه
عزاه ياقلبً معذب وملقوع /**/ خيل عليه وضيقت به فجاجه
ناس على نوع وقلبي على نوع/**/ وبينى وبين الناس مثل الزراجه
قلبي صعب حرف الوفا فيه مطبوع/**/ لاشك من ربعه يشوف الحراجه
من ما نشوف بناظر العين مفجوع/**/ وللطيب والله فزته وابتهاجه
.........وسلامتكم// الامير محمد السديري.. رحمة الله
........... انتقاء / نجـ سهيل
العرض الشجري
