تخيل بها للحظه......تخيل معي وعش هالموقف..
تخيل انه انت...بهاللحظه. ارجوك خلك معي شوي بهاللحظه.
اترك شرودك واترك استهتارك ...خلك معي شوي ..
عطني تركيزك هالمره
عطني ايدك بس هالمره
تكفى هالمره.
وانتي بعد عطيني تركيزك .
وعطيني انتباهك هالمره.
تكفون لاتخيبون ضني ولا تكبرون يأسي ولا تحبطوني هالمره .
اسمعوني بس مره..
الله يخليكم لهلكم ..ابي تعرفون شي بس هالمره..
قد سمعت مره وشفت مره..
عن دمعة طفل...ويلاه
عن دمعة ام....ويلاه.
عن دمعة شايب..ويلاه
هالدمعة تراها دمعة قهر...
ماهي دمعة فرح وغرور
هالدمعة سببها ارهابي هز امني وامنك وامن امك وابوك واهلك..
هالدمعة سببها عصيان وعقوق وانحراف...
هالدمعة سببها خيانة والله خيانه....
كل هالدموع تخيل انك تعيش هالموقف خلك معي وشف وش يصير من هالموقف..
ياغافل وينك اليوم انت ورا الشهوة
تذكر بهاللحظه امك
تذكر ابوك
وين احساسك يالمريض ؟
يا اخي اترك استهتارك وهبالك
ياخي متى نفهم كلمة حب
متى نفهم يااختي معنى الحب
متى نفهم مقاصدنا من الحب
متى نتكافل
متى نتواصل
متى نحترم هالكبير
متى نعرف كيف الحنان على الصغير..
متى نتخلى عن كذبنا
متى نفهم همنا
متى نهتم بعيبنا
ليه اعطينا القوي ارقابنا وذلنا
ياخي ممكن تكون معي وتفهم وش اللي ابي..
تكفي لا تحبطني..
تكفى راع مشاعري
اعرف حالتي
شبابنا ماتو كلهم وين في شارع ...للتفحيط
شبابنا ماتو كلهم وين...في اسر المروج
بناتنا خواتنا حياتنا ...يااااااااااااااااويلاه
متى نرجع للبساطة ويجمعنا صدقنا وننكر فينا كذبنا..
تكفى ابيك تتخيل معي شوي وش كنا بالامس..
وكيف حاضرنا ؟؟
وابيك تجاوب على هالسؤااااال
لوبيدك انك تملك عقول هالبشر وش تسوي؟؟
كيف ترجح هالموازين
كيف تنصف المظلوم
كيف تحارب الظالم..
تكفى لا تحبطني...جاوبني.. وين هم الامه في ديننا..
وين وعي الامه في اخلاقنا...تكفون ...وش الاجابه؟؟؟
العرض الشجري
