((((( قــــم شـــب ضـوك )))) اهداء للشاعر محمد بن مسفر العجمي

[بندر العجمي]

قصيده من غيرمقدمات

إهداء محمد بن مسفر العجمي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قم شب ضوك وأحمس البن فلحال=وخل السمر ياخوك يشعق سناها
ولين أستوت ياخوك سقها بفنجال= هي كيف راسي طبها هي دواها
ثم ركد الدله على واهج الجال=وذي حاجةٍ ياخوك ماصعب لقاها
ولغم بريقك من اللي تنعش البال=لامسكت في الراس تلعن ثواها
تطري على احيان في بعض الاحوال=وغير السفر ما تبغى لعن اباها
وهات القلم يامال زينات الامثال=بأكتب بيوت ينذهل من قراها
وما جاش في صدري بدعته بالامثال=من شاعرٍ به عبرةٍ ما قواها
من علهٍ ياخوك ما هييب تنقال=وكم حاجةٍ ياخوك عسرٍ لقاها
أناشفت لي رجمٍ قصيرٍ ومشوال=واشوف الثعاله تحتمي من وراها
يالثعل وش حدك على ذيك الاقوال= ماتدري ان الذياب تلحق عشاها
وانا ما مثل الجبل شامخ من الجال للجال=أرقى سنام المجد في معتلاها
ماهمني شهره ولا جمع الاموال=أدور العليا واتعب علاها
أشره على اهل اطيب ذربين الافعال=والا الرخوم رخوم ما أشره علاها
اهل النميايم والحكي والتحيال=لالفقو الكذبه علينا رمواها
وانا في وجيهم جنبت و صكيت الاقفال=مقامي رفيع ومانيب في مستواها
ولا اجامل الكذاب ولا اماشي المحتال=أتاجر بخوة اهل الطيب واتعب علاها
ودنيا على ما قيل حلٍ وترحال=نطرد وراها وهي بعيد مداها
ومن عاش في ذا الوقت بيشوف الاهوال=ويارب تكفينا شرها مع بلاها
ويابومسفر يا جعل تفداك الانذال=صغت المثايل وابيك تبحث خفاها
يامعرب الجدين من عمٍ وخال=من لابةٍ يحمون حتى اقصراها
تاريخنا معروف تضرب به امثال=عجمان حامين صلبها ودهناها
أهل الكرم والجود فرسان وابطال=زبن الدخيل وزبن منهو نصاها
وترى القصايد ما هيب تشرى بالاموال=ومن كل من سمع المثايل وعاها
ناسٍ تجيب علوم عمال بطال= وعلى كثير الناس يكثر غثاها
وانا همني غير المشاكيل الابطال=واما الكلاب هناك تنبح وراها
وان كان تفهم بدل الواو بالدال=وراعي الغنم يمسي ويسرح معاها
ومني تحيه ما تقدر بالاموال=من شاعرٍ لامن بغى العليا نصاها
وابي رد الرساله يجيني بالاعجال=وابي خط تعميدك يجيني علاها
[/poet]