""" خـــــا تــم ســـلـيــمـــان """

[بندر العجمي]

بسم الله الرحمن الرحيم

مشرفين وأعضاء همس القوافي 000

كل عام وأنتم بخير 0

بعد غيبه حبيت أني أشارك معاك 0 بقصيدة جديده 0 وموضوعها 0

فيه آيه في القران الكريم ( ولن ترضى عنك اليهود ولا النصارى ) آلايه

وفيه حكمه تقول ( رضاء الناس غايه لا تدرك )

وأنا بنيت القصيده على أساس الشي هذا 0 اتمنى ان تنال استحسانكم ورضاكم

أقول فيها :

[poet font="Simplified Arabic,4,orange,normal,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]
شريت وجيه وبعت وجيه وأدور وجيه أكرام=أدورهم على عينٍ نظرها في الرجال يصيب
لو آخذ خاتم سليمان وأطلع في العرب سوام=أبقدر أشري وجيه العرب مير القلوب صعيب
والا ياصاحبي صار للهجوس في الضلوع زحام=نصتني كنها اللي قال خذها من يمين صحيب
بعد ما شلت ست وعشر مع ست وثلاث أعوام= أصيح للراعي الادباش والا أهرول مع الذيب
قضى عمري نفذ صبري تعبت وتعبت الاقدام=ألا وآعزتي للي يدور في الحياة ذهيب
يقولون الفقير اللي طعامه ما عليه إيدام= وأنا أقول الفقير اللي حياته ما بها تجريب
يكفيني نهار الكون مجرودٍ بدون أكمام= أحطه ذخر من ختل الليالي مولدات الغيب
ويكفيني من الدنيا صلاة وحجتهٍ وصيام=تجاوب عن سؤال المنكرين إن ما عرفت أجيب
ويكفيني من العالم خويٍ معرفته وسام=حمى ظهر الرفيق وباسط اليمنى جميل وطيب
يموتون العرب والذل ما زاد الذليل بعام=ورضى العالم مثل منوة عقيمٍ مايجي له صيب
حبيب الله محمد ما رضى في منكر الاسلام=أجل وشلون لا صرنا بشر منا الذنوب تشيب
نسينا تسعه الاشهر نسينا ظلمة الارحام= ونسينا الموت والقبر ومقر الحور والتعذيب
ومشينا العمر نضحك والنفوس تصارع الآثام=مساكينٍ نطيع أبليس لو قلنا عليه يهيب
لا ضاقن الليالي قالو إن العيب في الايام= وأظن الناس هي اللي علي طول الليالي عيب

[/poet]