جيت المكان
ابي اكتب فيك عذب الكلام
ابي اسولفلك عن شقى الايام
وشلون مرت بعيني
وجرحت فيني هدب
جيت ابي احكيلك واسولفلك
وانثر حروفي يمكن تعبرلك
عن مافي خاطري من جرح الازمان
وجرح من لبس ثياب هذا الانســـــان
كنت ابي اقول واسولف
لعيونك من غير حكي
يمكن تفهم معنى الالم فيني
لقيتك غارق باحلامك
ماتسمع حروفي ولا صمت الحكي
نسيت نفسي فيك
اقول اني ابيك
رغم الالم اكابر جرحي
وارتجيك
ولكن ....1
سوالفي ماتت بوسط الحكي
ونامت حروفي فوق السطر
وانت باقي ... غارق باحلامك
ماتسمع حروفي ولا صمت الحكي
وشلون وانا جالس اقبالك
ماتحس بدفا انفاس الحكي
وبلحظه ...1
انتهى فيني كل الكلام
ماضل فيني غير نظره حنان
مختلط فيها حزن وخوف انسان
يعشق الصمت من غير الكلام
اسير الحرف بين السطور انا
وانت ولا همك
غارق بوسط حلمك
ماتت حروفي على فراش العمر
ومات القمر بكف الليل وارتحل
وبقيت عايش بغربه يلفها ثوب الظلام
وانت باقي .... غارق باحلامك
ماتسمع حروفي ولا صمت الحكي
آهـــــات ................. جنون قلـــــــم