الله من ونات بالصدر داويه=شبت بقلبي نار من قبل ذاويه
يوم افتكرت اللي على البال طيفها=السارحه واللي على البال ضاويه
كني غريب غادر الاهل والوطن=رجله على المسيار ماهي بقاويه
والا يتيم ماتت امه بساعها=يلج صوت الحزن في كل زاويه
ياراكبين الجيب الفين واحدعش=لاسار كنه ريح للارض طاويه
خذوا سلامي بلغوا عني الخبر=للي على الهجران ماهي بناويه
لكن ظروف الوقت تجبر بحكمها=بيني وبين الغالي ذياب عاويه
العرض الشجري
