((وِ ـإِنْ تِسَكّرْ /هَـ الأَمَلْ فينِي وِ رَآحْ ××عِنْد رَبّي يِنْفِتِحْ ـألفِـينِ))

[سُكـونْ]

حكاية طريفه هيك ,ائريتها شِيء مره أعجبتني كتير :

مره واحد كان عايش بضيعة ضايعة سمع عن الشام وقرر يزورها
وبيوم من الايام نزل عالشام و بلش يتفتل فيها
بين الاسواء والمحلات و هون و هون..
وهو بالطريق فات بوحده من حارات الشام الئديمة
هدا من كتر ما مشي حس بالعطش
فكر انو يدء باب شي بيت بيطلب منهم يسئوه
بس بينو وبين حالو كان عما يفكر
و يئول والله بيحكو عن اهل الشام انو بخلا ء واكيد ما حدا رح يسئيني
المهم بعد حوار طويل مع نفسو قرر انو يدء على واحد من البواب
دء الباب ,,فتحتلو وحده بتشبه فريال حماتو لعصام>> في باب الحاره
ئلتلو خير يا اخي شو بدك جايينا بطئة الشوب ؟!
ئلها الله يوفئك انا غريب عن الشام وعطشت ودئيت عليكم الباب
وئلت بركي بتسوئني
ئالتلو اي ولو مو تكرم عينك والله فاتت على البيت
وجابتلو زبدية لبن باردة
هدا اخونا ما صدق على حالو حط الزبدية على تمو
وبدي يغب بهاللبن يغب لحتى خلص اللبنات ...
ئلها يسلمو ايديكي بس بصراحة ما كنت متوقع انو تسئيني

ئلتلو اوف ليش بئا ؟؟؟
ئلها لانو بيحكو انو انتو بخلا !!
ئلتلو ولا يهمك بس هدول اللبنات جابون جوزي من شي جمعيه
وسلتت فيهم فارة ئلت لحالي نسئيك ياهم احسن ما نكبهن !!
هدا لما سمع هيك حكيات من ئهروه طبش الزبدية بالارض ..
ئلتلو ولي عليك شو ما فيك خير !! فوء ما سئيناك لبن كمان بتكسر النونية تبع الولد !!..



العمى شو أديش هي بخيله؟! ,
لبن سالت فيلو فأر وكمان بنونية طفل بتئدمها ,يبعت لها حمى ...
هيدا البخل في كل مكان بدو يكون ...
أحترامي وكِل معزتي ,لِ أهل الشام كِلنَّ

...سكونْ