الحزن ليه العيون السود في عينه
والبحه اللي ترد الروح مذعوره
من علم الجوري انشودة فساتينه
من جدل الليل لين اختال ديجوره
سلسالك الفضي اصلاً لو تزمينه
ماراحت اكثر عقود الماس مغروره
ولا ازرق الرف ياملحه ويازينه
ابهى من ارض نهار العيد ممطوره
مستورة الحال بس القاف تغرينه
ليه اتنحى واخلي الحال مستوره
والله لغني لعشق غنت اسنينه
لين ايسر المترفات تمومت مقهوره
قالولي ان الجديل اللي تربينه
معه تربين حلم فاحت عطوره
قالو بذاك الركن سر تخبينه
ومراية من ردات الاحظ مكسوره
لاينكسر مثلها الخاطر وتشقينه
تمنظري فهالمرايه حي هالصوره
مذكور جرح ورى الأضلاع تخفينه
وتحت المخده رسالة عشق مذكوره
عشق ستير ولا ازكى من رياحينه
ولا نعيم فضوح تغرق زهوره
يازمة الغيم ورخاية هدب عينه
ماقلتلك منتي من حبي معذوره
اتمنى احسنت الأختيار
ساري144
العرض الشجري
