ما رجيت من الفرح إلا رضاك وما بكيت إلا علشانك قهر.. الكاتبة. . بائعة الورد

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر



في المطار كان راجع بنفس اليوم يودع ولده
فارس على السرير الأبيض الكمام على وجهه والأجهزة بكل جسمه
تحت عيونه مسود ووجهه أصفر من المرض وزاد جسمه نحاله
ما كان بالدنيا كان بعالم ثاني
باس جبينه بحزن على بكره
رفع عينه لهشام خويك برقبتك يا هشام
هشام هز راسه بحزن لا توصيني يا عمي
طلعوه ع الطيارة الخاصة
قبل لا يطلع عمه طالع بسامي وقال بتردد سامي ياخوي
سامي لف عليه لآمر يا هشام
هشام قال بضيق زوجتي ما تعرف بأخوها إذا عرفت خلي عايشه تكون معها
سامي ابتسم ابشر أنت بس روح وريح أعصابك زوجتك بأمانتي بخلي عايشه كل يوم تروح لها
هشام قال بهم تسلم والله
اشر لهم مع السلامة
وأقلعت الطيارة بمريضها
يطلب الرحمة أولاً ثم الشفاء


قالت بهم وهي تجلس مع أبوها من متى هو مريض
أبو محمد بضيق أمس عرفوا والله عمك راعي واجب جا وسافر بنفس اليوم سفروه اليوم لألمانيا يتعالج وهو مو داري عن شي
أم محمد وهي تهز محمد عشان ينام دمعت عيونها ما ادري اشصار لهم انهدوا مره وحده
أبو محمد فهم قصدها قال بصبر الله إذا حب عبد ابتلاه وشاف هو يصبر وإلا يجزع
رندا رفعت عينها المدمعه لسلطان لما دخل
سلطان ابتسم لما جات عينه بعينها كيفكم اليوم
أبو محمد هلا والله هلا بولدي شلونك وصلت خويك
سلطان وهو يجلس ايييه وصلته
طالع بعمه والله يا عمي هذا بشار نسخة مستنسخه من ولد أخوي فيه شبه مو طبيعي
أبو محمد سبحان الله يخلق من الشبه أربعين
سلطان وهو يطبطب على يد رندا يصبرها بس مو بهالطريقة فيه شبه مو طبيعي
انتبه على خالته أم محمد وهي تقوم على غرفتها وهي تمسح دموعها
طالع برندا
رندا انتبهت عليها قامت تاخذ الولد منها
أم محمد لا خليه معي ابغاه جنبي
رندا رجعت بقلة حيله محمد ولد أخوها يذكرها بأبوه
دمعت عيونها وهي تذكر حنان أخوها
لفت عينها لأبوها وهو يتكلم مع سلطان
أبوها أكثر واحد صابر ومتماسك رغم أنه الحزن واضح بعيونه
لكن زي ما قال سلطان هذا خبر يفرح أكثر من أنه يحزن
بس محمد غالي عليها وأخوها الوحيد
مسحت دمعتها ورفعت عينها لسلطان
سلطان قال برقة مو اتفقنا ما تبكي
رندا قالت وهي تقرب منه غصبا عني يا سلطان غصب علي ابكيه
طالعت بأبوها وهو يطلع الاصنصيل هذا أخوي
سلطان تنهد بهم الدنيا كلها مصايب لازم نصبر شايفه ولد عمك اشصار فيه والله صدمني الخبر
رنا هالدلوعة شايل همها والله
رندا وهي تحط راسها على كتفه سلطان
سلطان يالبيه
رندا قالت وهي تمسح دموعها إذا ودك تنزل الخبر عادي
سلطان طالع فيها حبيبتي أمك وأبوك ما نقدر نتركهم بالوقت الحالي خلي يمر أسبوع اقلها وبعدها انزل وأنزلك معي
رندا قالت وهي تطالع فيه بتردد مو ممكن انه آخذ محمد معي
سلطان تنهد داخله طالع فيها أمك بتخليك
رندا رجعت عينها لحضنها لازم أبقى معه
سلطان ابتسم يطمنها مو مشكلة حبيبتي إذا ودك تظلي هنا أروح وارجع أنا عادي
رندا رفعت راسها بامتنان كأنك تعرف اللي ببالي
سلطان ابتسم وهو يربت على كتفها يكفيني الحب اللي بينا يخليني اعرف باللي تفكري فيه
كلامه ريحها هاليومين اللي راحت عاشت لحظات ما تنسى من الألم والحزن

وقف بصالة المغادرين لآخر مره حاول يتصل برائد لعله يرد عليه راجع الخبر
يبغاه يرد عشان يستقبله لما يوصل
طالع بالجوال بآخر حبل للأمل فيه
مسك الخط وصار يرن
حط السماعة على إذنه يا رب ترد
جاه صوت رائد المكسور الوو
بشار ابتسم هلا والله شلونك وشلون خالتي يا رجال وينك صار لي كم يوم اتصل فيك ما ترد
رائد بحزن الحمد لله وينك أنت طولت
بشار بحزن كنت بالرياض توفى خويي وزوجته وترك طفله اللي توه انولد وصلته لأهله بالرياض
رائد حزن عليه ما يدري كيف بيخبره
تنهد أنا بالكويت يا بشار
بشار عقد حواجبه بالله كيف خالتي طيب وش موديك الكويت
رائد بعد صمت ثواني ......... البقيه بحياتك دفناها بالكويت قبل أربع أيام
بشار وقف بصدمة كيييييف؟؟!!
نادوا كم مره للرحلة حقته ما سمع من المفاجأة اللي تلقاها
سكر الجوال بصدمة غمض عيونه
ياااارب صدمات بنفس الأيام كل وحده تشق الظهر أقوى من الثانية
يااااااا رب ترحمني برحمتك
راحت عليه الطيارة طلع منديل من جيبه ومسح دموعه اللي طاحت من عينه حزن
ع اللي ربته
ع اللي كان بحضنها وقت ما تركوه أهله
ع اللي تعبت عشانه
واللي أخذ الحنان منها
رجع يحجز رحلة ثانية بآخر الفلوس اللي بقت معه يوصل للكويت ويصير بعدها اللي يصير


Berlin المانيا برلين
تنهد بصمت وهو يدخل غرفة الدكتور
بيبدوا معه العلاج بكرا بعد الفحوصات ما تكمل
الدكتور هشام أحمد القيسي أخصائي أنف وأذن وحنجرة
قال بلهجة عراقية تفضل أخوي ارتاح
جلس هشام تسلم
الدكتور وهو يطالع بالأوراق قدامه زي ما تعرف اخوي إحنا عندنا أوراقه من أمس والفحوصات أجريناها العلاج بيبدا من بكره بس بيتعب كثير لأنه ما اكتشفتوه من باكر
للأسف لو كان فاحص ومكتشف المرض من باكر كان ما احتاج عملية لأنه سرطان الحنجرة بالذات لو اكتشف على طول من بدري سريع الشفاء ونسبة الشفاء منه 95%
هشام طالع فيه بحزن اوكيه دكتور هشام يعني بيكون علاجه كيماوي
الدكتور العملية بنشيل فيها اللي انتشر وبنبدا الكيماوي على طول تنهد الله يكون بعونه العلاج بيكون صعب
هشام بضيق يعطيك العافية دكتور
الدكتور العفو
طلع من عنده وهم على صدره
دخل عند فارس نفس ما هو وكل ماله المرض يوضح عليه
لف وجهه عنه وتنهد
رجع راسه ع الكرسي جات بباله دانة
غمض عيونه تركها وهم متضاربين
موت محمد أثر فيه وهو السبب الرئيسي لخصامه مع دانة
بس حزن عليه وفاته كانت مفاجأة للكل
ابتسم بداخله رجال يشرف ما عليه من دانة
دانة هي اللي غلطت هو راح وترك الدنيا وراه راح يجاهد
حس بالعتب على دانة
قلبه يعتصر من الألم لما يتذكرها


دانة وهي تجلس عيونها كانت منفخه من البكى ماما
أم فارس رفعت عينها لها وهي تقرا قرآن
دانة معليش قاطعتك بس وينه فارس ما شفناه
أم فارس توها تنتبه انه دانة ما تدري قالت بحزن ادعيله مريض
دانة قالت بخوف مريض؟! اشفيه
أم فارس راح مع هشام يتعالج طلع عنده ورم بالحنجرة
نزلت دموعها الله يشفيه ويرده سالم يا رب
دانة طالعت فيها بصدمة ورم!! من متى
- بكيت - كيف ما تقولوا لي
أم فارس وهي تضمها معليش يا دانة صار كل شي بسرعة بس هو هناك ادعيله وإلا رنا يا عمري عليها طايحه بالمستشفى بغيبوبة من يوم عرفت
دانة قالت وهي تقوم وتبكي بروح لها لفت على أمها كيف ما تقولي لي يا ماما
أم فارس بحزن اللي فيك كافيك يا بنتي
طلعت بالاصنصيل وهي تبكي وتشهق فارس هذا الأخ الحنون الهادي
كل شي عندها بالحياة عشان كذا هشام قال مسافر
غطت وجهها بحجابها وهي تبكي لازم تروح تشوف رنا


دخل الفيلا المتواضعة وهو هلكااان حده جلس يستنى بمطار الملك خالد يوم كامل