غابت عن الديره لها عدة شهور
..........................و الله اكبر يوم صدت و راحت
من بعدها كني من الشوق مسحور
......................امشي و اسولف شيخة الحور طاحت
القلب لامن حبها اليوم معذور
.............................هذي شجوني للخفوق استباحت
راحت و خلتني من الحب مهجور
.......................وانا ضلوعي ب اسمها اليوم صاحت
في كل ليله أحتري فجة النور
.........................لعلها مع طلة الشمس لاحت
عايش على ذكرى الليالي ومقهور
......................محيت كل الخلق و هي ما تماحت
حتى القلم ينزف بلا حس و شعور
.......................و حمامة الورقى من الشوق ناحت
كانت هي البسمه و انا كنت مسرور
.......................من بعدها و الله ضلوعي تناحت
في غيابها ماتت رياحين و زهور
......................و في حضورها كل الاحاسيس فاحت
يا ليتها خلت ثرى الحب منثور
........................و شافت عيوني يوم لدت و ساحت
حسبي على الفرقى ليا صرت مجبور
........................أشوف موتي والمواصيل شاحت
الله يشافيها من السقم و الجور
........................و يا جعلها عن طاري الهم زاحت
راحت تعالج نفسها شيخة الحور
..........................و انا علاجي شوفها لا استراحت
العرض الشجري
