ياخال وين أمي...
قضى الليل ياخال...
وين اللذي لا نمت جتني تغطين...
قللي تبي ترجع...
على البيت بالحال...
قللي تبي ترجع ...
على البيت هالحين...
قلله ترى يحيى على الباب لا زال.....
وهديل وحور هناك بس متحريين....
لا تقول ماتت ...
وارحم دموع الآطفال.....
ياخال وارحمنا ترانا صغيرين....
ولا نعترض يآآرب في حكم الآجال.....
بس الحزن يارب بالقلب والعين...
وشلون ابصبر ربنا يرحم الحال...
راحت وخللتنا على الساس باكين...
أم(ن)حنونه تمسح الدمع لاسال.....
ولا ضاق صدري...
أمي اللي تسلي....
وأمي هي الدنيا....
هي الشمس وضلال
وأمي ليا نديتها ماتخلين....
وأمي ياخالي آآآآه من ضيقت البال........
ماانساه لو مرت بنا سنين وسنين....
أسمع صدى صوتك تنادين ياعيال...
واشوفك بعيني تروحين وتجين...
شالوك ياعمري وانا أشوفك الجال....
وحطوك في قبر(ن) من الأرض مترين....
يالله عسى قبرك وسيع(ن)بالأميال.....
من ريحة الجنه باقبرك تهنين....
((كلمات الشاعر/صالح الزيد))
العرض الشجري
