تعالي واسمعي شعري..

[المرهـــــف]

تعالي يابعد روحي تعالي..واسمعي الأنغام
عزفها قلبي المجروح..وغنتها لك ايامي
تعالي واسكني روحي..تعالي واطردي الأوهام
تراها عاثت بقلبي..وزادت جرحي الدامي
تعالي هاتي ايدينك..نحلق في سما الأحلام
انا ودي اسولف لك عن اول..وآخر هيامي
تعالي سابقي فيني..سنين مقبلة قدام
خلاص انا انتهى عمري..وهذي آخر ايامي
تعالي بس لو لحظة..وغيبي بعدها ايام
وخلي طيفك الغالي..يذوّب اجمل احلامي
تعالي شوفي الدمعة..تحيّر ريشة الرسام
رسم قلبي ولكنه..معذب..متعب.. وضامي
تعالي ياهوى روحي..تعالي خففي الآلام
ترى همي تعب مني..وكسر لين عظامي
تعالي واسمعي شعري..فقد من بعدك الإلهام
وانا ما اقدر من اسبابك..اكايد قسوة إلهامي
تعالي وانصفي قلب..من هموم الزمن منظام
عليل ومنجرح منك..يااااااا أغلى كل أيامي