.
.
صح الشمالي صدره اوسع من الكون
بس انتبه (لاضااق) صدر الشمالي
وصح انك الغالي وانا فيك مجنون
بس انت ماقدرت من قال غالي
خيبت هقوات كثيرات وظنون
وأخلفت ما كان بخيالي وبالي
وخليت كل الناس عندي يقولون
مسكين يمشي بالهوى دون والي
والناس ناس وأكثر الخلق يدرون
باللي معك صاير... وماقد مضالي
كم قلت لك لاتفعل اللي يسوون
خلك معي مخلص بأول وتالي
كم قلتلك اترك هل الهرج يحكون
وارفع مقام الحب دايم بعااااالي
لأن الهوى مبدأ وحكمه وقانون
شي كبير ... وشي.... شي مثالي
الله لو تدري اليا غبت وشلون ؟؟؟
حالي اليا من غبت وشلون حالي
لارحت ضلعي من عنا البعد محزون
حتى منامي لا حشا ماهنالي
وان جيتني دمي وروحي يغنون
دبكة غلا من بعد طول انشغالي
واليوم ماني فيك مغرم ومفتون
اليوم انا في غيبتك صرت سالي
مالك ومالي منت للخافق تمون
وان قلت :ليه ؟ اقول : مالك ومالي!!!
واكيد لك رجعه وانا اكيد بكون
احرقت صفحاتك ولا لك توالي
وبسمعك احلااام لا جرت لحون
وش ذكرك حب طوته الليالي؟؟؟
نعم طويتك والغلا مات مطعون
حتى خيالك بقتله لا طرالي
ملعون ابو قلبي اذا جاك ملعون
وانا معرب من عمام وخوالي
انا (شمالي) صدري اوسع من الكون
بس انت ما خليت صدري شمالي
لكل من يمر من هنا ...<
العرض الشجري
