( المرجلة )

[سعد العصيمي]

[poet font="Simplified Arabic,4,white,normal,italic" bkcolor="transparent" bkimage="backgrounds/22.gif" border="groove,4,chocolate" type=0 line=200% align=center use=ex length=0 char="" num="0,black" filter=""]
يامل عينً كل ماغضت شويٍ=تفزمن حلوالمنام وتعيفه

عينً سهرها اشتد والقلب يشكي ٍ=يشكي همومً في ضميره عنيفه

قلب الشقا مجروح والعين تبكي =وحالي من صدوف الليالي نحيفه

ليا ارتحت لحظة حس في خاطري شيٍ=وعفت الوناسة والعلوم الطريفه

طواريٍ تسرح وهاذيك تضوي =ٍ ينداش فيها الفكر من غير كيفه

والله مدري ويش الايام تنويٍ =دنياً تدوروكل حيً تخيفه

تاخذ من الحيين ماهيب تعطيٍ =كم فرقت بين الوليف وليفه

ياجاهل الدنيا ترى العمر مقفيٍ =والموت فوق الناس يومي بسيفه

من لايقوم بحملها قبل يزريٍ=يصبر على مدات بقعى القصيفه

وانا الذي جاني من الدهر يكفيٍ=مرت علي ايام والله كليفه

عانيتها وشهودي دموع عينيٍ=كم ليلةً صورلي الهم طيفه

اصيح وانخى كن مابه ولاحيٍ=وين اصدقاي اللي معي بالوظيفه

حصلتهم مثل السراب المقفيٍ=مايارده غير النفوس الظعيفه

وقت الرخا كلً بفعله يسويٍ=عمايرن تبنى بدارن مريفه

وعند الشدايد محد لصوت يوحيٍ=ضاعت سوالفهم بوادي حنيفه

في سوقهم والله مابيع واشريٍ=من طب في سوق الهدايف هديفه

القا المقاصد عند ربعً تحييٍ=اهل الكرم واهل النفوس الخفيفه

الكل منهم يشبه لحاتم الطيٍ=مامنهم اللي صد عن وجه ضيفه

صادقتهم لله ماني مخفيٍ=وسجلتها واعلنتها فالصحيفه

من لايعاتبني ليا صرت مخطيٍ=مرافقه لوكان نفسه خفيفه

المرجله للرجل مازيها زيٍ=لياصار يكسبها بيمنى شريفه

تحيااااااتي للجميع


اخوكم/ سعد العتيبي
متأمل خير



[/poet]