بعذوبة الشعر المعتاده والكلمات المعطره اهديكم اجمل قصيده والتي لها اكبر تاثير على الاحساس فقط اطلب منك تذوق هذه الكلمات والرد الجميل منكم ---
وهذي بصراااااحه لها تاثير كبييييير على نفسي
أنا ورب البيت لو يخذلونك
مهما حصل لايمكن إني اخليك
اترك كلام الناس لايوهمونك
واسمع كلام اللي يعزك ويغليك
قد قلت بالله فتح عيونك
اصحى قبل شمس الحقيقه تصحيك
راجع حساباتك بـ لحظة سكونك
وخذها نصيحه جعل ربي يعافيك
تفهمك ناس وناس ما يفهمونك
وتتبع لناس وناس تتبع خطاويك
ناس تفكر همهم يسعدونك
وناس تفكر كيف تقدر تبكيك
لاتشتري من حاولوا يخسرونك
ولاتخسر اللي فكر بيوم يشريك
مافيه اجمل من صديق يصونك
ولافيه اقسى من قريب يعاديك
اكبر خطأ نسيان من يذكرونك
اعظم وفأ ذكرى لشخص متناسيك
اكبر عناد تخون شخص يخونك
اجمل امل حب جديد يناديك
اصعب سؤال اللي تجيبه ضنونك
اكبر غباء انك تغير مباديك
اكبر قهر لاصار ناس يبونك
وانته تبيهم بس حظك لعب فيك
اتعس حياة تعيش والحزن لونك
لاصرت عم وصار حزنك بن أخيك
انا ورب البيت لو يخذلونك
مهما حصل لايمكن اني اخليك
بالله قولوا لي رايكم فيها
وانتظر احلى ردودكم
ولكم خالص تحياتي*******