((( فمـان اللــه )))

[سـ جروحي ـيد]

[c]
بعد راح الظلام وشفت نور الصبح يمي مال
تحديث العنا يومه سبب قومة شياطيني
أجر الصوت وأغني ودمعي بآخر الموال
وابكي من سمع صوتي وحزني ساكن فيني
ألا يا عيني أبكي لا بو الحاسد مع العذال
عزيز النفس ودموعي من العالم تسليني

صبرت وعادت الرجال يرسي والحمول ثقال
مدام أن الغرام الجرح والفرقا سكاكيني
قصيدي ناد لي بنتٍ هواها بالحشى شعال
وإلى ما انطفى نور الهدى قامت براكيني
يفهمها الظروف اللي حدتني والزمان أهوال
وأفهمها تقاليد العرب والناس داريني

تعودنا على الغربه تعودنا على الترحال
فمان الله يا أغلى حبيب غاب عن عيني
أنا ودعت وأودع بصمت ولا أبيه أجدال
وقبل ما مشي أبي تعرف مكانك وينك ويني
أنا فزيت من نومي وشفت الحال ما من حال
لاني طيب ولا خيب وكن الهم طاويني

خطا وأكبر خطا شوف الخطا باقي بعد ما زال
وما دام أن الخطا واضح وأشوفه ليش يغويني
ياما حاولت وأحاول ولكن من يهد جبال
ويكذب بالسراب أني أقول أنك بترويني
وعزت اللملم جروحي وأصير بدنيتي رحال
وعرفت أن القدر امر يمشيني يمشيني

وحصلي قصةٍ تبكي الغرير وتغبن الرجال
حرام أنها سنه وأنها تصبحني وتمسيني
مع ذيك الخجول اللي أدلعها دلع أطفال
أربيها وأدلعها وهي داخل شراييني
أسمي وأذكر الرحمن يحميها حسد لنذال
وأخاف الناس تجرحها وهي تستاهل الزيني

أعلمها وأفطنها وهي تسمع بوسعة بال
وأشوف أن الادب منها وهي بالحب مغنيني
أناديها تلبي لي عساني معدمه لا قال
فديه عيونك أن كانك بدون الناس معيني
تعاهدنا على الحب العفيف وغاية الجمال
وبنينا بالغرام أكبر صروح للمحبيني

وغابت والقدر قاسي وصارت كنها الامال
سحابة صيف مرتبي وعيا الغيم يسقيني
يا كيف وليه راح الحب كنه نثرت الفنجال
أشب النار والدله تفوح ولا تقهويني
عسى درب المحبه ينقطع من ماطر وهمال
ومصير الحي يتلاقى مع من كان حييني

و فمان الله ودعتك بصمت ولا ابيه اجدال
ما دام أن الغرام الجرح والفرقا سكاكيني
سيدجروحي !!
_________

الشاعر:ناصـردهيمـ[/c]