لحظة وداع.... غريب الخبر

[غريب الخبر]

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
ردي على المشتاق لو ربع شوقه= لحظة وداع وينتهي كل مافات
قلبي من اسبابك تلاشت عروقه= ماعاد ابي من خاطرك لوم وإسكات
صبح التجافي بينه في شروقه= سحابة الحرمان من وين ماجات
وليلك دجى ماعاد تضوي بروقه=وانا ضميري مايبي منك عثرات
حاول تميز في خطاك وفروقه=يمكن تشوف إنك تحديت الاصوات
اللي على رغبة ميولك سبوقه=لكن بلاها مالقت غير غلطات
وانا ادري إن الليالي سروقه=خطوه ورى خطوه غلى خافقٍ مات
وكل الغرام اللي غرورك يعوقه=ماعاد له هيبه ولاعاد له ذات
ياما عليك النفس كانت شفوقه=وياما على شانك توطيت رايات
الحب له واجب وصعبٍ عقوقه=واضح وله مبدى وفيه التزامات
ولاكل شوقٍ قام شوقك يشوقه=يمشي بشوقه لاجل شوقك متاهات
حبك غريب وصعب تجرح حروقه=وانا مابي حبٍ يعود بشرهات
قلبي واعرفه صرت له ماتروقه=تناثر إحساسه من العين عبرات
دام إختيارك صعب فنه وذوقه=مااقدر اجامل فيه انا بعض الاوقات
لو عافك الخاطر من ابسط حقوقه= يشطب على حبك ولافيه حسرات

غــ الخبرـريب
[/poet]