[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
قصيده اعجبتني وعســــــى ان تنال اعجابكم
جــو لـلـموظف قـالـوا الـيوم تـختار= جـاك الـتقاعد بـكره يـاصلك الاشعار
كانك تبي تكمل بعــــــــد زود مشوار= راجـع امـورك نـمهلك حول شهرين
قــال انــا طـالـع مــا ابـي هـالوظيفه= مـحـركـاتـي كــــل ابــوهــا نـظـيـفه
بـعـيش بـاقـي الـعمر عـيشه مـريفه= بـقـابل الـحـرمه وشــوف الـبـزارين
طــلـع تـقـاعد وسـتـلم كــل حـقـوقه= وخـيـط مــن الـمـليون بـاقي فـتوقه
وعــاش بـطواري كـل يـومٍ تـسوقه= وفـكار تـظهر لـه مـن يـسار ويـمين
اول قــــرارٍ قــــال بــفـتـح تــجـاره= وفــكـر وقــال ان الـتـجاره خـسـاره
وقــرر بـعـد شـهـرين يـبني عـماره =وعــجــز يـقـلـبها بــكـل الـمـوازيـن
قـابـل صـديـقٍ مــن ايــام الـدراسـه=هـرجـه كـثـير وبـالـحكي دار راسـه
لّـبـسـه ثـــوبٍ مـــا يــقـده مـقـاسـه= وصــدق خـويـة هـالفقير الـمسيكين
قــال انــت فـاضـي مـرنـا بـالـعدامه=فــي مـكـتبي لا جـيـت تـلقى اسـامه
عـنـدي لـك اسـهم تـنصفط لـلنشامه= واربـاحـها ودي تـحـوش الـقـريبين
خــذ لــه ثــلاث أيــام ثــم راح يـمـه =لــقــا اســامـه كــنـه الـــوز وامـــه
جـالس عــلـى مـكـتب وكـنـه بـقـمه =قـاعـد يسـنن للـزبــاين ســـــــكاكين
شـراله اسـهم وانتشب .. قص فيها= كـل مـا عـرضها بـسوق ماحد يبيها
نـــص الـسـعـر يـبـيـعها مـشـتـريها=الــلـي بـثـلاثـمية بـمـيـة وخـمـسين
بــطّـل مــن الاسـهـم وقـابـل عـيـاله =ودايـــم بعــــد لـعـصير يـقـعد الـحـاله
وان طــرو الاسـهـم وجـابـو مـجاله =قال انحش انحش عن جحورالثعابين
بـالـليل يـسهر ويـتفرج عـلى الـدش=لا جـت جـميله قـال أهـلا يـابورمش
وان جـت الشينه قال لابوش لاهلش =مــا غـيـر يـبـحلق بـالبنات الـمزايين
وان جت الحرمه جابت البن والشاي =سـواله صـيحه ليش ما جبتي الماي
انـتـي مـقـصـره فـي تـعاملش ويـاي =وانــا مـتـحمل صـارلي عـدة سـنين
يـزعل على الحرمه بلا ذنب وسباب =قــوّم مـعـارك سـبـة شـمـاغ وثـياب
كـنـه مـراهـق يـصفق الـباب بـالباب=يـطلع عـن عـياله ويـرجع بـعد حين
قابل عـبيد وقـال لـه جـرب الـعرس= اصبغ شعرك وبـدّل الناب والضرس
انـشد مجرب ومتمرس على الدرس =كــثـيـر مــثـلـي بــالـزواج مـتـهـنين
الــديـك مـــا يــذن وهــذي مـصـيبه= بـالـشهر مــره.. الـمـره وش تـبيبه
روح عـلـى الـدكـتور يـنـشد طـبـيبه= يـمـكن يـلاقـي لــه عــلاج الـمسنين
كــتـب لـــه وصـفـه راح لـلـصيدلية= ســلـم وقــال شـفـيك تـظـحك عـلـيه
وش كــاتـب الـدكـتور فــي هـالـبلية= عجل خـفوقي صـار بـين المصارين
قـال انـت نصرفلك ترى حبوب زرقا = تــخـلـي الــشـايـب يــحــوّل ويــرقـا
مـفـعـولها مـــا يـبـغـي بـعـدٍ وفـرقـا =أعـظـم مــن الـلي يـنتجونه بـقزوين
هـذي الـحبوب تـرجعك عـدت عـوام= تـعـيـشـك ويــــا مــدامـك بــالاحـلام
وارفـق تـراهي تـفتق الـخيط والخام = وتـفـتح جـمـيع مـسددات الـشرايين
خـذ الـحبوب وشـب يـبقي عـروسه = ركــب لــه اسـنانٍ وحـشا ضـروسه
مــعــزم الــرجــال جــهــز فـلـوسـه= لـقـا عـروسـه بـس مـا تـملي الـعين
اعــرس وطـلـقها بـعد سـتة شـهور= يـسب ويـلعن راعـي الـراي والشور
وعـود عـلى الاولـى ذلـيلٍ ومـقهور= يــقــول مـافـيـنـي نــشــاطٍ لـثـنـتين
حـسبي عـلى اللي ظهر الشيب فيني = خـلا مـن الـحسرات تـركض سـنيني
مــن الـنـدامه تــذرف الـدمـع عـيني= هـمـلـت بـيـتـي والـمـره والـبـزارين
كــلـه سـبـايـب شـوفـتـي لـلـمحطات=الــلـي يـجـيـبون الـبـنات الـجـميلات
لا شـفتهن زادن على القلب حسرات= قـلـبي خـضـر ومـعـرض لـلشياطين
ابـبـتعد واتــرك هــل الـقـيل والـقـال= مــا تـنـفع الـدنـيا بـلا زيـن الاعـمال
مـــا يـنـفـعك لا مــت عــمٍ ولا خــال= ولا يـنـفـك لـــو لـبـسـوك الـنـياشين
ابـــتــفــرغ لــلــصــلاة والــعــبــاده= بـفضل مـن الله هـي تـجيب السعاده
الــلـي تـركـهـا عــايـشٍ فــي نـكـاده= لا ضـقت فـي دنياك عود على الدين
هــنـي مـــن حـبـلـه مـتـينٍ مــع الله =الــلـي يــقـوم الـلـيـل يـقـرأ وصـلـى
مــرطــب لــسـانـه بــذكـرٍ مـــن الله = وجـهـه مـنـوّر بـة سـماة الـمصلين
[/poet]
العرض الشجري
