يا زمان العجايب وش بقــــا ما ظهر
كل ما قلت هانت جد علــــــم جديد
إن حكينا ندمنا وإن سكتنـــــــا قهر
بين قلب عطيب وبين خــــــل عنيد
لو تفيد المدامع كان أسيّــــــــــل نهر
مير كثر التوجد والدمــــــع ما يفيد
اصبر أيام وأشهر وأتصبـــــــــر دهر
وإن حصلّي مناتي جيـت لوني بعيد
أرجي الله وأراقب كل طالــــــع شهر
يجلي الهم عني أو عســـى ما يزيد
يا غزالٍ فضوح الزين عنـــــه اشتهر
في عيوني ملاك ووسط قلبــي وحيد
مخطي اللي يشبه وجنتــــك بالزهر
الزهر ماله رماح تصيـــــب وتصيد
لو جحدت المحبة سقم حالي جهــر
مير ما كل قلب ياصــــل اللي يريد
العرض الشجري
