انتقادات ساخره من المجهههههههول/ الرومنسيه
المقابله الثانيه
وجهات نظر شخصيه
المشكله ان الكل يبغى يصير مثل العالم رومسي دلوع اودلوعه تراه مهوب غصب الدعوه يعني شلون نصير رايقين وحنا تقل بومه مانطلع من بيوتنا الا بعد الساعه عشر عشان الجو ولا شلون نصير شاعريين وحنا نقرف حتي من اشكالنا وش يسون عاد الناس الي يشوفوننا ! ولا شلون نصير مرهفين و90بالميه من يومنا يالبسين سروايل سنه ولا قمصان وحريمنا لابسين جلبيات نسائيه الى سبب العنوسه بالعالم منها !! ولا شلون نصير رومانسين وحنا اسامينا يادحيم ولا صلوح ولا حصيصه ولا فطوم !!!! بدون زعل
علل لمايأتي....................................بسرعه
رائيك في الشعراء ؟؟؟
مدري والله ليش احس ان اكبر نصابين بها الدنيا الشعراء تلقاه شين وكبر البغل ولا بجيه ولا حق مشوار ليموزين ويقول شافتني حبتني !! الا ليش حنا حبنا اسرع من الصوت ماقد قريت ولا شفت احد يقول اكرههاولا ياثقل دمها ولا يامصلها حبيبتي !! كلهم حلوات وزينات ويهبلون !!! حنا فينا حول ولا فيه ناس يعيشون معنا وحنا ماندري !!
مصدر قريحة الشاعر؟؟؟
كل شي بها الدنيا اساس ومقومات الا عندنا !! قاعد بالبر او ينتظر اهله بالسياره ويكتب شعر مااصعب الأنتظار حبيبتي لو تدرين !!! رطوبه موت حر مافيه ولا سمكه بالبحر من حلاوه الجو على باله يتستمتع بجمال الطبيعه!!
حلم كبير؟؟؟؟؟؟
تصور لو انك بعيد الضحيه ويجي واحد يعطيك ورده يقول خذ عطيتكم !! ولا انك ناسيه تغلسين المواعين قبل ماتنامين يوم قمتي ولا امك حاطه لك كرت وتقول ليش القسوه هذي معي توقيع العاشق المحروم ولا انك صادم بسياره ابوك يوم درا لقيته مرسل لك رساله يقول ياخاين الحب !!
اشياء معقدتني ياناس؟؟؟؟
العالم قرفانين الساعه 2 الظهر وذولي قاعدين في حوش كفي شوب ويشربون قهوه يقول ماله طعم اذا ماكانت في مكان مفتوح هالفرنسين !! ولا شايب توه مسوي عمليه قلب على كلى على زرع كبد و وبالعنايه المركزه وذا جايب لي ورده بيضاء وكاتب مع اشواقي !!
وبنت جاها حول على تراخومه وشوي ولا تصير عمياء لانها تذاكر على ابجوره تقول ابي جو رايق !!!
اوبنت تحسب انها ماتصير انثى الا اذا غطست رجلينها بالبحر ياعيني على الشاعريه والأحساس
التحليل بدون زعل
النفسانين عندهم مرض يسمونه رفض الواقع يعني يصير الواحد مصدق انه مواليد فينا اوياريس ا و انه عايش في الريف الانجليزي وان الوجه الي بالمرايه مهوب له !!! وان الي قدامه حبيبها او حبيبته يعني في حفله تنكريه ولا مهوب شكله كذا !! و يجيه احساس ا ن وده يصير نحله لا نه دايم حول الورد !! ويصير يحسب نفسه محبوب عشان كذا ماينادي احد الا يا حبيبي وهو ابوه وامه يقولون الله لايعيده من ساعه من ثقل الدم الي فيه !!! ويصير يعتبر الفلوس نقمه وعشان كذا كل فلوسه رايحه بفواتير تلفون عشان المسج وغيره؟؟؟؟؟؟؟؟؟؟؟؟؟
الحل
الحل هو تصدمه بالواقع جب له صوره بطاقته ولا صوره جوازها وقل بالله عليك ذا شكل ممكن يكون رومنسي.
كلامي مو عن اشكال وبس الا اطباع الناس وبدون زعل
تحياتي للمجههههول حبيب البي
اجرى الحوار/ بدون زعل
العرض الشجري
