موقف محرج بين فتاة وخطيبها
هـي من النوعية الخجولة لأبعـد درجة ... و كانت تـخجل أشـد الخجل من خـطـيـبها لدرجـــــة أنـك لو تـقـطـعها ما تـأكـل قـدامـه و لا تشـرب .. !! تـقـول : جاءهـم ذالـك اليـوم خـــطـيبـها بـعـد الظهـر ( وش يبـي ذا جـاي النـاس بعـز الظهر)... و كـانـت تـوها قـايـمـة مـن النـوم (يخرب بيته من شكل .. أكيد منفخ الوجه و رايح بخرايطها) ...في عطلة نهاية الأسبوع ... (الويكند .. بالإنجليزي المعرب)
مـا أمـداهـا تـفـك ريقـهــا ....الا هـو مـوجـود خـلـصـت بـسـرعـة و مـا شـبـعـت طـبــعـا ... المهــم جلـس عـندهـم و لما جا وقـت الغــداء كـل أهلها قـامــوا يـتـغـدون ... فـقـال لـهـا خـطـيبها تـعـالي تـغـدي مـعانـا قـالـت لا أنا شبـعـانـة تـونـي فـاطــــرة .. قال لها : عشان خاطـــري تعــالي .. قـالت : واللـه خاطــرك علـى عـيني وراسـي بـس ما فـي مـكان للأكـــــــل مو قادرة لأني شبعانة .. (وهي كانت جوعانة بس من كثر الخجل لو تذبحها ما كلت قدامه)... المهـم جاء العـصـر و استـأذن خـطـيـبـهـا مــن أهـلها أنــه بيـاخـذها و يـروحـون مـحـلات الأثـاث و يختـارون أثــاث شـقـتهم .. وافـقـوا الأهــل و طلعـت البـنـت معاه و هي ميتة من الجــوع ... جا بيـنزلهـا بكـوفي شـوب ... قالـت لـه لا مــا أقـدر أشرب كافي ( وعيونها بغت تطلع من الدريـشـة مـن الجوع ودهـا تـأكـل المحل بكبره) .. قال : يا بنت الناس تحلين على الأقـل قالـت : لا واللـه قبـل ما نـطـلع كنــت شاربه كـافـي و مـحـليه بالـبـيت (وهـي مناك ما ذاقـت ريـحته).... ما أقـدر أكثـر منه ..( و هي من هناك حاسه بدوخة من كثر الجوع ودها توصل البيت).... لف فيها و لـف و لف والبنت ميتة من الجوع و زادت زيادة قامت تفكر بأفغانستان والفقراء و كل شي ذيك الساعة خطر على بالها..!! في مـحلات الأثـاث وهـي مــــــــو قادرة تتحرك و تكابر مـــــا تبـي تـأكل قـدامـه .... يـوم مـا قـدرت تمـسـك نـفـسـهـا قـالت له يا ليت نرجع البيت لأني مصدعه .... قال لها ابي اعزمك على العشاء برا قالت لا واللي يعافيك مافيه محل للعشا شبعانة ... رجعوا البيت إلا أمها مسويه لهم عشا و كانت بتطلع ... حطـت لـه العشا و مـا كـان فـي البيت الا هـي وهـو بس .... قال لها تخليني أتعشى لحالي؟؟ تعالي تعشي معاي ... قالت لـه : لا تـوني متعشيه (اشفيه هذا .. ما يفهم ؟ بالغصب يعني (. . قال اشلون توك متـعشيـة و أنـتي طـول الوقـت معاي ... انـحـرجـت ضـحـكـت و قـالـت لـه الظاهر اليـوم كـثرت مـن الأكـل لما قـمـت و الشـيز كيـك حـليت زيـادة عـــن اللــزوم أحـــــس أني ما اقـدر آكـل أكـثـر مـن كـذا ..... مـد يـده لها بيأكـلها مـن يده قالت له لالا و الله ما اقدر أصـر عـليها و قال لها عشان خاطري ..! قالت : ما أقدر .. قال : بس هذي اللقمة عشان خاطري بس هذي .. قالت : ودي بس أحس أني برجع من كثر ما أنا شبعانة و الله ودي ..... عـذرها وهـو قـال لها : لهالدرجـه شـبعانة؟؟ قالت : وأكثر من كذا .. المهم خلص من العشا غـسل يـده وقـال لها : حبـيـبتي استـأذن أنـا الـحين لازم أمـشـي (وهـي أول مـره تـتـمـنـى طـلعته بسرعة من كثر ماهي جوعانة .. هلكت المسكينة) .. قالت له: عادي حبيبي حياك الله خلينا نشوفــك .. الرجـال استـغرب أنـها مـا لـزمت عـليـه يـقـعـد (قـام يـطالعـها و عـيـونه تـطـلـع و ترجع).. المهــم مشت معاه ألين ما طلع من عند الباب ... من كثر الجوع ما قفلت الباب و راحت تركض عــلى صينـية العـشا و هـي بالمطبـخ و قـامـت تـأكـل بـشراهة و هي واقـفـة ما قـدرت تـقـعـد .. فـي هـذا الوقـت خـطـيـبـها ناسـي مـفـتـاح السيارة فرجع و دخل بياخذ مـفتاحه و هــو قـريـبـها (ولـد عـمها).. فـحب يسلـم عليها و يقول لها أنه رجع يأخذ مفتاح السيارة سمع صوت بالمطبخ دخل عليها .. وهي من كثر الجوع ما حسّت أنه وراها ... جلس وراها مكتف أيدينه
وواقف يـطالعها .. وهـي تـأكـل و تـأكـل و تـأكـل بشـراهة أليين ما خلصت ... توها بتمشي التفتــت وراهـا إلا لـقـته واقـف مبتـسـم و يطـالعها .. .. هي أصلا خجولة و تخيلوا شافها و هــي كــذا !! قال لها : ليه كذبتي علي و قلتي لي انك شبعانة؟؟؟ كل هذا جوع؟؟؟؟ البنت بغى يغمى عليها من الإحراج !!
تحياتي لكم: الشوق
العرض الشجري
