منابلة ***شعرية
هذه المحاورة الشعرية جرت بين الشاعرين العملاقين صياف الحربي و الشاعر العملاق حبيب العازمي ونتركم لتتمتعوا بهذه الابداعات الشعري :
حبيب:
مرحبا بالحربي اللي ما فقدته غير مرة
مرةٍ وحدة وحصلته مية مره بعدها
وان بغيت ادوره حصلت له في الارض جره
جرة الحربي تعلم به ولو محدٍ نشدها
صياف:
البقا ياللي ترحب بي ورا وادي مسره
وان فقدني مرة وحده يحضر لي سندها
جرة الحربي لها قيمة ولا فيها مضرة
مير بعض القوم ترفع رجلها وتحط يدها
حبيب:
فاقدينك يوم جينا بين ضلع وبين حره
قبلها مرات لو نعد ما نحصي عددها
اكرم السحمان خيره ما يعادل نصف شره
وابخل السحمان يرضع كل ناقه مع ولدها
صياف:
ما بقى في الوادي اللي تخبره مثقال ذره
والمخيله لو تخيل برقها يسبق رعدها
اختلف جو العتيبي واختلط برده وحره
قام يلمس راس مبخوته (...........)
حبيب :
انقفل سوق المدينة سوق رابغ ما نمره
وا عذاب اللي يدور حاجةٍ له ما وجدها
كان مبخوته تدور حاجةٍ حلوه ومره
لا تواعد من يواعدها وتخلف في وعدها
صياف:
لا تدور للمشاكل وانت في سره وقره
اخذ مسواط العصيده يا حبيب واعتصدها
كان خاواك السحيمي لا تحطه في المغره
تركه عند الديار اللي قبل مده وردها
مع تحيات نريمان.
العرض الشجري
