السلام عليكم ورحمة الله وبركاته
يشرفني بالأنضمام بهذا المنتدى الرائع , وهذه أول مصافحه أتمنى أن تنال أعجابكم ...
يا زين شوفك عقب طول الغيابي = ويا شينها لا أقفيت عني وصديت
تعال شف دمعي يبل الثيابي = هذي حياتي كل ما أصبحت وأمسيت
تعال عالج جرحي ألي سطابي = علاجها لمست يدينك ليا جيت
أنت الدواء يا منيتي يا عذابي =ويا كثرهاجروحي ليا منك أقفيت
زودن على بعدك زماني نحابي = الله وكيلك يا أريش العين مليت
الراس يالمجمول صلع وشابي = وقتي غدى كله عذاب وتناهيت
عود عليه قبل لا أصك بابي = ولا عاد تنفع كلمة اليوم يا ليت
ذكرك يصبحني وطيفك سرابي = ومواصلك ما قط غيره تمنيت
خنجر غيابك في حشايه ثعابي = والجرح يكبر في البطى لا تماديت
وش مكسبك من جرحي ألي غدابي = لا صرت شفقن لك ولا قد تخليت
حبك بقلبي مبطين وألتوابي = وببراج حبي يا غناتي تعليت
و أن كنت تجهل حضرتي مع جنابي = لا صد قلبك عن صفى القلب صديت
العرض الشجري
