أنا بخير ياللي جيتي تسألي عساٍك بخير
ولا شي ينقصني سوى شوفة عيونك
على حطة إيدك .. ماللكه الحب والتفكير
ولا أحب غيرك .. غير منهم يحبونك
وصدري لحبك .. مثل صدر السما للطير
تجولي بصدري ..دام صدري غدى كونك
آنا بخير لكن دوري لحالتي تفسير
ينادوني وأحس فيهم .. ينادونك
أحسك بداخل روحي وبالعروق تسير
والله يعلم كأنني صرت مجنونك
من سنتين وصدري لسر حبك بير
وأخبيك في قلبي لجل ما يشوفونك
أحب الحكي عن زود حسنك وأعكس السير
أخاف أتكلم عن جمالك .. يعرفونك
فديتك .. ترفقي بس .. واللي تبيه يصير
ولو قلتي: جيب الشمس .. بقول : لعيونك
بحاول ,, وإذا إني ما قدرت.. العفو يا أميره
ترى قدر حبك فوق طاقات مضنونك
العرض الشجري
