السلام عليكم ورحمة الله وبركاته
سأل الوالد اخوي عن صديقه فلان وش اخباره بعد ماتخرّج من الثانويه ؟ قال فاتحله مؤسسه ويطقطق منها ؟ قال الوالد الله يغنينا بحلاله عن حرامه ! طبعاً أنا اقهوي الوالد ومفهيّه ولاادري وش السالفه !! قلت ليه يبه المؤسسه حرام !! قال هذي مؤسسه وهميه ! يفتح مؤسسه عشان يجيب عمّال , ويخليهم يشتغلون برا مو عنده وياخذ عليهم نسبه كل شهر !!
قلت طيب واذا مالقى العامل فلوس يعطي كفيله ! قال يتصرف ! قلت حتى لو يسرق ! قال حتى لو يسرق ! أهم شي يجهز له فلوسه !!!
واحنا نقول ليش هاالفساد والاجرام كل مال في زياده ؟ والبطاله في زياده ؟ وعماله اكثر من عدد الشعب السعودي ؟؟
مصيبه والله مصيبه !! ولااقول إلاّ حسبي الله ونعم الوكيل !!
انا ماادري وين هاالرقابه ! ولاّ هم نايمين لأن سيرهم مزيّت !!!
أفيدوني ياروّاد القضايا الساخنه ..
فائق احترامي لاقلامكم
دمتم بود