أبفهم شي واحد ليه لا جينا نبي ننادي أي هندي أو بنقالي أو باكستاني نقوله ( يا مهمد )
إش معنا محمد بالذات ,, أمس دخلت بقاله وقلت ياولد والله ما أناديه محمد بغير واشوف
بيرد وإلا لا ,, بعد ما شريت وجيت ابحاسب حطيت الأغراض وقلت :
يوسف ,, كم حساب ,,
ابن اللذينا طنشني ولا كأن في آدمي قدامه ,, وأعيد عليه مره وثنتين وهو مطنش ويكتب
ويكتب بورقه ,, نفخت عليه من القهر وقلت :
هييييييييه يوسف إنتا مافي إسمع أنا كلام كم حساب ,,
قام الملعون وسوى فيها زعلان ,,
سديق أنا مافي إسم يوسف انته كلام يوسف
إنبسطت أنا وقلت ألحين بيقولي إسمه كومار وإلا أي أسم من أسمائهم وأحجر له واقوله
طيب ليه إذا قلت لك محمد كل يوم ترد وما تزعل ,, مسكت الكيس وقلت له :
إيش إسم أنتا طيب ,
قال : مهمد شودر ,,
تنحت وقلت له : قل والله
وطلعت من البقاله وانا اجر أذيال الهزيمه وأردد :
مهمد يوم العرب تطريك ,, الروح تسمع لها ونه
العرض الشجري
