مــــــــــــأســــــاة

[محمد الولهان]

[poet font="Arial,3,burlywood,bold,normal" bkcolor="transparent" bkimage="http://www.atheir.8k.com/thumb_wall0185.gif" border="ridge,7,burlywood" type=2 line=200% align=center use=ex length=0 char="" num="0,black" filter=""]
((مأسآهـ ))

ليتنا نترك ..أحاديث الـغزل = والغرام اليّ غشى عين الحروف
ونكتب الليلة..حقيقة ماحصـل = في الزمان الي بها العتمة شغُوف
عن عدوٍّ يسـتبيح.. أبلا خجــل = أرضنا واحنا كما العادة وقُوف!
كم تْبهذَلنا!.وكم شخص أنقتل!! = وكم تنثَّرنا.. علىحدّ السُّـيـوف
إسْمع الونّات ..فارقها الأمـل!! = في سجون الذّل وأعماق الكهوف
صوتنا يعلى ولكن..ماوصل!! = للمسامع… للقلوب اليّ صلُـوف!
أجمل الأيام.. تمضي بالعَجَـلْ! = والجراح الموجعة..صارت ألـوف
دمعة الثكلى وتشاطرْها الكهل = دمعةٍ حارتْ ..على دامي الكفوف
وذا طفل يبكي ..على فقد الأهل = بَعْد ماكانوا عمار لها السّـقوف
لا ألتقيته غصب ..دمعك إنهمل = ياكل الفَضْلَة ..حسافة ماتشُـوف!!
وهاتكٍ للعرض..بأخواته أنْشَغل = مايخاف الله..في البنت الكسوف؟!!
آه ياقلب العَنَا..كمّ أحتمـل!! = منظر الأشلاء.. وهي تحت الحّـوف
بعضهم نعرف وبعضٍ مو سهل!! = ومابقى من بعضهم ..غير السُّفُوف!
كم من الجلسات..ياصاح أنعمل!! = وأسْكَنتْ أورقها..درج ورفوف!
وعنكبوتٍ فُوقَها..بيتـه غَـزَل = ضامنٍ مآبهْ أحد..غيره يطـوف!
ياصلاح الدين !..وينك يابطل؟!! = وياعُمر وينك..توحِّدْ هالصّفوف؟!!
العدو يضربْ..حصارهْ والشَّـللْ = والمرض يحصدْ بفاسهْ..مايُروف!!
والمجاعة دقَّت أجراس الأجـل = من يسدّ الجوع ..وارياقٍ نشُوف؟!!
لا الأماني لا..ولاهَـرْج العـسل = ينعش الي فات..من ماضٍ عزوف!!
المُصاب بحدّ ذاته شي جَلَلْ!! = وحده الإيمان ينزعْ..كل خـوف!
كلُ نجمٍ للعروبة..قدْ أَفَـلْ! = ومابقى من لمعتَه..غير الطّيوف!
نشكي الغُرْفَةْ..وحبٍّ مُفْتعلْ = وشقِّةٍ بالصّفْ..تنحر كل جـوف!
لوبَي فَزْعة مثلـهم..لاتَسَـلْ!! = فزعةٍ تَبلى..ولا فَقْد الحتـوف!!
بالمصيبة بعضنا..فيـنا أحْتَفل = ياعسى الأقدام فيهم..للخسوف!!
ماضيٍ قد فاتْ..ليته مارحـل!! = وحاضرٍ مآبهْ سوى هَزّ الكتوف
لوّ ها هزّت سقيمٍ..مازَعَــلْ!! = هزِّت الي يطربَهْ ضرب الدّفوف!
بَعْدها لاتسْألَنْ..وشهو العمل؟!! = تاهتْ أفكاري..ومعْها هالحروف!!

كلمات / محمد الولهان
[/poet]