أنا مشتاق لك يا سيد خلاني
و قلبي مغرم و روحي هواوية
و أشوف البعد عنك نار تصلاني
تأثر بالضمير آثار سلبية
بلاوي اتحل بي و اهموم و أحزاني
و نفسي تبتلي بأمراض نفسية
أعاف الناس دونك مالهم شاني
و أعيش ابعالم أفكاري الخيالية
أهيم ابذكرياتي وكان ما كاني
من أيام المحبة لولانية
ليالي الود لي فيها جنى الجاني
ثمار الحب لي بالحب مروية
ليالي جمعت ما بين لثناني
باحلى عاطفة و قصة غرامية
لقيت العمر جنبك له طعم ثاني
سعادة صافية و احلام وردية
يا ليت اتروف بي يا ريم لوطاني
تعاملني ابلطافة مع حسن نية
تقدرني و مثل ما أهواك تهواني
تشرفني بعد غيباتك ابجية
يا حرف الميم يا مدعوج لعياني
خذيتي العقل مني غصب يا بنية
في وداري لاحشا ما شفت لك ثاني
جمالك يبهر اعقول الهواوية
العرض الشجري
