تعال أرجوك سامحني وسامح من سمحاك حول
تشرقبه تغــــــــــــربه وتذبل بسمة سنينــــــــــه
تعال إن كان تسمعني ولغزك يابحـر محلـــــــــول
عجزت انساك والنسيان ضاقت بي ميادينــــــــه
تعال ارجع وراجع من يحبك وافهم المدلــــــــــول
وحاسب واحتسب والقلب غيرك ما ملا عينـــــه
أقدملك معاذيري وياليت العذر مقبــــــــــــــــــول
مع إني ماصنعت إلا الجميل وقلت ياشيـــــــــنه
أسافر في سما طيفك وأغامر والهدف مجهــول
وأسلــــــي خاطرٍ همه تغلغل في شراينــــــــه
سؤالٍ دار في ذهني وحير بالي المشــــــــغول
وش نهاية بداية ما ابتديته وابتـــدا شــــــــــينه
عشقتك جملةٍ جــــــردا بلا فاعل بلا مفعــــول
عشقتك مبتدأ مرفوع لكن الخبر ويــــــــــــــــنه
بفتح العين عذبني مثنـــــى طرفك المكحــــول
تجمل والهجر ليتك تعــــوذ من شيـــاطيـــــــنه
يقولون السعاده والسعاده بابهـــــا مقفـــــــول
وأقـــــــــــول إن الكتاب يبين من مطلع عناوينـه
غدا بي بحره الهايج غدا بي سيفه المسلــول
غدا بي صبحه وليله وغيره خفــــــة الطينـــــه
قــــــضيه مبهمه تسأل من القاتل من المقتول
وقاضيها تهاون بالقضاء وأهمل قــــــوانينــــــــه
هو الحاصل هو الواقع هذا هو ناتج المحصــــول
تعذبنا تغربنــــا وطرفك مـــــــــاتلـــــــــــدينــــه
نايف معلا
العرض الشجري
