بسم الله الرحمن الرحيم
قصيدة ارتجاليه وحصريا ً على منتديات الود لانها جت بموقعهم
اتمنى من له اي انتقاد ان يصرّح به واكون شاكرا ً متجملا ً
(الكرامه)
أقول فيها
يا عزّتي للي على البعد مجبور ** واكثر على اللي في القضيـّـه كرامه
من فوقك ابحور ٍ ومن تحتك ابحور ** والوضع من أعوام عاف العوامه
والموج فوق الصدر دفـّاق ويتثور ** يجرح شواطي القلب بامواج سامه
لاقمت قمت وحولك اتلف وتدور ** ويا لعنبوها قومه ابلا استقامه
لا ضيّعك خادع وحرّضـْك ع البور ** قلـّي وش ايسمّـيك اهل الشهامه
شف فمـّك أطفى آخر اشموع للنور ** والقلب أقبل في نهاره ظلامه
ماكنـّي اللي لك بنى بيت وقصور ** ولجلك توسـّد شوك باحلا منامه
لك قلت شل الروح بالصدق والزور ** ومناي من قلبك أشل أهتمامه
ماغيرك اللي شفت بالكون معمور ** يوم ابعيوني الكل لفلف حطامه
لكن أسف من حظّ في الآهـ منثور ** لا شلت واحد طاح ضعفه أمامه
صبرت في ذاك البعاد اربع اشهور ** واليوم جيت اتقول لي مع السلامه
بيّنت لي ماكان خافي ومستور ** وعن نجم غدر الليل زحت الغمامه
جيت ابعذر ماهو على الطقّ معذور ** وشلون لا هو بالذبيحه ملامه
وش ذا الشجاعة فيك انا صدق مبهور ** ووش هالقساوة اللي خفتها الحمامه
كن القناع اللي لبست امس مسحور ** ملامح الطيب البري ابدع لثامه
من بعد مامدّيت لاحلامك اجسور ** ووصّلتك لقاصي حلمـْك ابسلامه
شفتك تسوّي في نهاياتها سور ** مابيننا يفصل وفوقي انهدامه
ياهيه صح ان انت في القلب محفور ** بس الفراق ابكيف زاد الندامه
ليتك رحلت وقلت مابيك بغرور ** كان القـَهـَر بطنه تغمـّد حسامه
من عافني عفته ولو كان دستور ** والا وطن .. وان صوّب اكسر سهامه
تمنـّيتك اتجمـْلت وتقول مشكور ** باحساسك اتسلـّيت بعد انعدامه
كانك لطيف وماتقرّبت محظور ** ولا ادخلتني في السجن خوف القيامه
وانا بقول العفو ذا واجب العور ** والعاشق الاعمى قليل الفهامه
وتروح وانا ارش لك عود وعطور ** واتجمـّل ابصدقك واعلـّق وسامه
يا احب حب انحب بقلوب وسطور ** جرح العمر بصمت انا في استلامه
بس خوفي اللي جاني ايجيك بالدور ** فالخادع امخادع يشلّ انتقامه
وانا اطلب الله ما تكن يوم مجبور ** بفراق من تهواه سبـّـة كرامه
وسلامتكم
العرض الشجري
