بسم الله الرحمن الرحيم
قصيدة ( حبك بداية عمر ولا نهاية)
أقول فيها
لا تسئليني ليه أحبـّـك ولا ليه ** أخترت حبـّـك !! والف غيرك تنادي
هذا نصيبي وانت ِ ماغيرك اغليه ** وان كان عندك مانع الشيء عادي
ياما عطيت الوقت أحسان وابكيه ** وآظل به عايش وأعطيه زادي
بهديك باقي اللي لوقتي انا اهديه ** واستوطنك وآعيش غربة افــْ بلادي
كنــّك قدَر زينك مع الشين أبغيه ** وحبـّـك كأنــّـه ظلم يدعو الجهادي
امّا انتصر بجهادي والا اندفن فيه ** كلـْها تري بتشوفِ فيها اجتهادي
لو يشتريني الحب والله مشريه ** لو جاب ضعف اسعار كل العبادي
ماجيت أدوّر مشتري بالبلا ابليه ** لنــّي لهذا اليوم اطالب سدادي
لك بعت كلْ شيّء ٍ بجسمي وانا ابيه ** والبخل منـّـك زاد فيني التمادي
مالك نوايا اتــْجيب لي بالهنا اِفـْديه ** كنــْك ابـْ حياتي بس هاوي انتقادي
وتعذيب قلب ٍ لو تناديه لبيه ** يجيك ردّه ـوْ ينطلق به جوادي
يا هيه بسئل ردّ بالله يا هيه ** حبـّـك بداية عمري والا حدادي ؟؟
لو هو بداية عمر كلمة تكفـّيه ** وان كان موتي هات ِ موتي ابـْ بعادي
وسلامتكم
قلمي/
عمرو الغالبي
جنون شاعر
العرض الشجري
