السلام عليكم ورحمة الله وبركاته
رجعنــا بعد الغياب -
وآعذرونا علي التاخيـــــــــــــر
ياوجد روحي علي اللي راح يامبارك 0000 الله يبيحه ويغمد روحه الجنه
يادمعة العين هاتي باقي آعبارك 0000 عليك يابوى آجر الصوت والونـه
عشت وتوفيت ماقد قل مقدارك 0000 ومن جاك عاني تجي دايم حسب ظنه
العيد قرب وعيد الله ومبارك 0000 وشلون آعيد وآبويه غايب ٍ عنـــــه
ياعيد وش خانتك من مات آبو مبارك 0000 كل الزواياء بوسط البيت يـبكــنه
واليوم يبكى عليك الضيف مع جارك 0000 وتبكيك عذراء ٍ يخضب كفها الحنه
فالحلم آناجيك وآنشد عن آخبارك 0000 ولاصبحت يالله دخيلك آطلب المنـــه
هذى بقابا معاميلك علي وجارك 0000 وهذى دلالك وهذا هيلك وبنــه
وهذا عقالك وهذا ثوبك بدارك 0000 وهذا شماغك آضمه حييييل وآكنه
تنفق يمينك ولاتدري بهـا يسارك 0000 وتعطي عطايا ولاترجي بها منـــه
كريم ( يابوى ) فعلك خلد آذكارك 0000 لاكن موت البشر في شرعنا سنــه
لو آولدك قالوا الناس ادفن آشعارك 0000 بقول والله لاعن الشعر وآسنه
واليوم يابوي رحت وطفيت آنوارك 0000 الله يبيحك ويغمد روحك الجنــه