بسم الله الرحمن الرحيم
عندما يشعر الانسان بالضياع
وان كل شيء ٍ قارب على الانتهاء
ويخاف منه
فسيكتب ماكتبت!!
قصيدة (شمعة تذوب)
ما كنـّي الا شمعة ٍ ضوّت ولا ضوّت تذوب ** محتار أستمتع بضوّي أو نهاياتي انتظر
صبرت ايام ـوْ ليالي ومانتهت فيني الحروب ** وان ماخسرت ابحرب منها اطلع وخيلي بـْها عثر
إلى متى اخلي المصير ايواجهه هذا الهروب ** والى متى ببقى على فرش الحياه ذي أحتضر
يتشتت التفكير في ليه وحرام وذي ذنوب ** فيني اقترفها الوقت لجل الغير منها يعتبر
في كبدي الجمر أشتعل والنار له شبـّة شبوب ** ويخنق خفوقي ابخاره اليا أنطفى ابمزن المطر
القلب صحراء قاحله والحزن والهم الهبوب ** يبعثروا فيني رمال اليأس به شفني انقبر
وان مانـْقبرت (امن الضما باموت) مافيها هروب ** دام الضما منـّـي وفيني ومزن غيري ماقدر
لو أبتسم تلقاني ابذا البسمه ابقوه امغصوب ** مجبور دام البعض لا شفـْها اخـْتفت منـّي انقهر
مشيت في كل الدروب وكلها تفتح دروب ** كأنـّني داخل متاهه ولا خرجت القاء القبر
يعني كذا ولا كذا متعذّب ـوْ فرحي كذوب ** وإذا صدَق يصدق بقول انـّه بفرحي ابلا نظر
ماهمـّني حزني ولا همـّي ولا الدمع السكوب ** اللي أهمـّه كيف عن هذا الوداع اقوى اعتذر
يا طير لا لاقيت من حبيت في وقت الغروب ** قلـّـه بأن الشمس لا غابت فذي بشرى القمر
يمكن تغلـّفـْت المشاعر بس جاتك وسط كوب ** منـْـه ارتوي واذكر رجل من شانك لـْ نفسه خسر
وسلامتكم
قلمي/
عمرو الغالبي - جنون شاعر
العرض الشجري
