ياعيـون المهاتـي وش عـلام النظـر=يرسل الطرف نحوي بالخجل من بعيد
داعي الشوق جاني من خلال الصـور=والنواظـر خذني للهوي مـن جديـد
من هوي الغيد تايب قبل شـوف القمـر=مير حضي رماني بيـن نحـر وجيـد
ياعيـون المهاتـي عجلـي بالخـبـر=كيف وصـل المعنـا للقريـب البعيـد
تبتلينـا الليالـي بالعـنـا والسـهـر=كـل مـازال هـم طـل هـم جديـد
والمقـدر علينـا بالقضـاء والـقـدر=ماتـرده منـاوي والـحـذر مايفـيـد
ذاب قلـب المعنـا بالعنـا وانصـهـر=مثل مـاذاب حـرن كبريـاء الحديـد
كلما ضاق صدري من اهمـوم البشـر=ارتشفت القوافي مـن معيـن القصيـد
انزف الحرف واكتب من ادموع النظـر=وارتقي بالمعاني في السحـاب البعيـد
واحتري الصبح وانظر في عيون السحر=كود ينزاح همي فـي الصبـاح الجديد