--{ نـَـادُ وأنـِا أقـًـًولٌ " سـمّ " وآطلـَب وأنـِا أقـًـًولٌ " تــمّ " ~

[ماجد العساف]

جيت في وقتك مثل ماكنت دايم
............... كل ماتطـــري على بالي تجيـــني

قبل ما توصل وصل عطر النسايـــــم
............... رحبت روحي وهلت فيـــك عيني

جيت غيث الروض قبل فيـــــك هايم
............... يامسرت لحظتي واحلى سنينــي

انت هاجس خاطري صاحي و نايـــم
............... احتريك وفرحتي بك تحتـــريني

من نصحني قلــــت ذاحاســــد ونايم
............... غايضه منك الحلى والحب فيني

وادري انه لو يصير البعد ضايـــــم
............... دافي الاحساس منك يحتويــــني

عن هوى غيــــرك وكل الغيد شايم
............... انت بس اللي بك اوقاتـي تزيني

وين ابلقى وصف من حسنك ملايم
............... الكلام يذوب في ثورة حنيــــني

ياشقى الحيـــــــــران ياسلواه دايم
............... تدري انك بيـــــن خفاقي وبيني

جيت في وقتك مثل ماكنت دايم
............... كل ماتطـــري على بالي تجيـــني