اخواني اعضاء هذا الصرح الشامخ نبارك لانفسنا عودة منسق الابيات
وهذة المتواضعة كتبتها وحان موعد تنزيلها بعد عودة المنسق اتمنى ان ترتقي لذائقتكم
كل من الدنيا وخل الهم يجتاح القلوب=واروي الآهات من دمع(ن)سكن باهدابها
كلما قلت انفسخ من دنيتي ثوب الغروب=التبس هَم الشروق اللي يعانق بابها
وكلما قلت الامل لابد ترسمه الدروب=عضَت الايام جرحي اللي اندمل بانيابها
امتزج عمر الشقا والماضي المر الغلوب=بصفحة الحزن الدفين الوافية لكتابها
الفرح يعشق هقاوي حظ ما يصدق كذوب=يحرس اطياف الاماني في دُجى سردابها
والتشاؤم ما تكاسل عن عمل مخلص دؤوب=يشمت بذاتي ويضحك منتشي بغرابها
جمَع دموع المحاجر تحت رايات الخطوب=في خفوق(ن)من مآسي الوقت يتغنابها
لو تناسيت الالم لحظة واعلنت الهروب=ترجع انفاسي تردد حينها ما صابها
كيف ابسلى والحزن فيني تشَعب بي شعوب=بين همَ وبين آه وبين ندب غيابها
روَحت والقلب دمه حار والخاطر يذوب=والمشاعر عاجزة تحكم مُراد اعصابها
كن تنفيسي همومي من جبل بثي ثقوب=وين ما تربو مداها تنهدم اقطابها
يالسان الحال وش باقي من انواع الكروب!!=ماتجَرع صاحبك في دنيته باسبابها
ويش شكوى من حوى ناره بأحضان الجنوب؟؟=غير ينطق فوح او يسكت على محرابها
المهندس الشاعر/ثامر الحارثي (شاعر الدرر)
25/3/1431هـــ
[/quote]
العرض الشجري
