عقب ماأنتصف ليلي

[الطلحي2000]

[center]عقب ماأنتصــف ليلي تملّكنـي الهاجـوس
وســــافـرت بالأفـــكـار شــرقـي وغـربيـه
********
أفكّــــر بهذا الوقــــت وآخـــذ عبـر ودروس
صـــحيح الزمن غـدار والـدرب ممشيـه
********
يجي الصبح في خير ونعمه وطيب نفـوس
والآمـال معقـوده والأحـلام ورديـه
********
ويجي الليل عن صبح الهنا مختلف منكوس
تجيـك المصــــايـب مثـل رذراذ وســــــميـه
********
تنـــــــاقض غريب يثبت إن الزمـن منحـوس
وذي حـــــالـة الدنيــــــــا غـروره ووهميـه
********
حـــــقيره ويقطع حــــدّها مثـل حـد المـوس
ويــدرك خــطــرها نـاس أفكـــارهـم حيـه
********
وعزّي لغافل عن خبرهـا تدوســـــه دوس
ويصـــــــبح بشمس عقـب ماكـان بالفيـه
********
وياسامعي من قبل لايحصـل الكابـوس
تــــزوّد بطــيـب الفعـل عــــزم وجــــدّيـه
********
وسدّد وقارب وإجتهد وإكـسب الناموس
وباقي العلوم إسـنـد علـى عــالـم النيـه
********
ولاتصحب الجـاهل يورطك والملحـوس
وخلك مع اللي مثل نجـــــم سطـع ضيّـه
********
تحــــــذّر مـن النمـام والخبـل والدنفـوس
وخـــلك مثل صــــقـر علـى رجــــم مبنيّـه
********
وخل الحسد وأهله كأنه حطب مقبـوس
عسى الله من جوده يصيـب الحسوديـه
********
مرض يصعب علاجه مثل حب فيه السوس
ومـن لايخــــــــــاف الله ماحسّـب السيّـه
********
وضيفك وجيرانك لهم واجــــب محسـوس
ويدري به أهل العـرف اللـي ســــــنافيـه
********
وصلّ الفروض الخمس في فيّها وشمـوس
تــــــراهـا دوا للقلـب ذلـــحيـن وشـــــويّـه
********
وثابر عليها وأطلب الحـــــظ فـي الفـردوس
وخلك خصـــــــيم النفس والنفـس مرضيّـه
********
ترى الجمر مايحرق سوى من عليه يـدوس
وماخـــــاب مـــــن يصبـر لـه البيـض مثنيـه
********
وصــــلوا عــــدد نبت خضــــر راوي ويبـوس
على اللي نزل بالديـن شــرعـه ســماويـه

*************************[/center]