((( خلك على لادان يادان دندان )))
باسم الاله اللي خلق انس مع جان=رب العباد اللي عطاني عزيمه
الواحد المعبود خلاق الاكوان = عدلٍ قضاه بجنته وبجحيمه
يارب يا منان طالبك غفران= ارفع يديني خوف وارجي نعيمه
ماقيل عني يوم كاذب وخوان =ولاقيل يمشي بالغلط والنميمه
حافظ صلاتي في مواجيب واركان=والجار عندي له قدرُ وحشيمه
والضيف له واجب جزيلٍ وميزان= وترحيبةٍ من سلسبيلٍ عظيمه
وحق الخوي لو كان مخطي وغلطان =ادمح خطاه وله معزه وشيمه
ومن عاند اجنوني فـ/انا له كحيلان= اطوًعه حتى يذوق الهزيمه
واذوقه من لمستي سم ثعبان = حتى بحلو النوم يحلم بضيمه
انا (الفريدي) عزوتي روس شجعان =(اولاد راشد) والفعايل قديمه
من لابةٍ فوق البسيطه لهم شأن = مثل الجبل لاثار يحرق حميمه
يا معرًفٍ نفسك (......؟.......)=........؟........ رافقك يا(البويمه)
انشهد انك جيت للسهم نيشان =وبان الهدف يامدعي بالشكيمه
الشعر ماهو لك يا مضيًر خويران =الشعر لأهل العقول الفهيمه
على مزاجك تنقد ابيات واوزان =وبالشعر تفهم ناقصه والسليمه
لاتنتقد شعري على غير برهان = يامنزل الابيات ... لعيون ديمه
ان كان قصدك تصرف اعجاب قد كان = هذي ترى فعله قديمه عقيمه
يا حيف والله كنت بـ/(....) لك شان = ومابيننا كانت علاقه حميمه
اعميت عينك يالشويعر بسندان= وحطيت نفسك في مكان الجريمه
خلك على لادان يادان دندان = كفوك تراها وانتبه يالهليمه
وسلاااااامتكم ../ فهد الفريدي ( طع شوري)