الله يهنيـك بـي والله يهنيني
والله يديم الغلا مابيني وبينك
ساعة أشوفك يزين الكون في عيني
واشوف كل المحبه تـنطق بعينك
ما اظن شي حبيبي عنك يغنيني
كل يوم يكبر بعيني حسنك وزينك
مزيون وصفك وسيد في المزاييني
واحب طبعك وطيبة قلبك ولينك
إن غبت عنك دقايق تشتكي بيني
وان غبت عني يصيح الشوق بي وينك
ما اقوى فراقك.. دخيلك لا تخليني
مادام قلبي أمانه بس في يدينك
انته بحبك تراك محلي سنيني
يابعد عمري عسى الله يحلي سنينك
بالدنيا عندي رضاك وذا يكفيني
والله يديم الهنا مابيني وبينك
العرض الشجري
