حق الخطيبه
ما غير أدور ما يسرك ويرضيك
متولع ٍ برضاك ورضاك كايد
يا فاتني طالت مسافة تماديك
جورك طغا وأنا بيّ الشوق زايد
سر اهتمامي فيك ماهوب خافيك
عَلمك قلبك قبل تقرا القصايد
قصايدي نبضات قلبٍ يناجيك
متعودٍ من رمش عينك عوايد
عوايدٍ عنها قبل عام ناهيك
أقول صد إلين تطفي الوقايد
لا تجرح رماح الهدب قلب مغليك
ما به مكان ٍ للجروح الجدايد
تعرف غلاك ومقصدك من تعلّيك
تبيني أسلا عن قريبٍ ونايد
العرض الشجري
