يا وجودي كل ما هبّ صوتــك مـن شمـال... وجد من حدّه زمانه على اللــي ما يبيـــــه..
ويا وجودي كلما اضحيت ثم مــــال الظلال...لا غفت عيني ولا ذقت شي ٍ مشتهيــه...
وجد من قفّى وهْو في رجا كلمـة تعــــال...وإلتفت من عقب ماْ اقفى ولا أحد ٍ لدّ فيــه..!!!
ويا عذابــي لا دنــا الليل من روس الجبال...وانتهى يوم ٍ من العمر ما عــاد أرتجيـــــــه..
وانتي أبعد من سما الحلم ووصالك محال... يا بعد من هلّ دمعي ضحى الفرقــــا عليــــــه..
يا غناتــي لا تحسبين دمعي يــوم سـال...ضعــف ولاّ خـوف .. ولاّ كذا ولاّ كذيــــــــــــــه !!
والله إنــي مـن رجــال ٍ يضـــــدّون الرجال... لكن الحظ ّ الردي ..ساق دمعـي كــل أبيــه !!
ووالله ان قــد لـي وانا اصّد لا جالك مجال... صدّة اللي لا تضايق تذكّر قبــــر أخيـــــــــــه !
ووالله إنــــي كلمـــا دار حوليـــك الجــدال... قمت كنّ الموت يشّر على قبــــــرى بديــــــه !!
ومن سألني قلت مدري..وإذا عاد السؤال... قلت له تكفى سؤالك ترى ماهــــو وجيــــــــه !!
وش تبيني اقول عن من ترى ذبحي حلال...والخطا منها عليّ..صرت أحبــه وأهتويـــــــه!!
عذرهــــا لـو ماْ تْعذّر مثل واضرب مثال...واحـد ٍ مــا يعــرف الحـــرّ الاشقــر يشتويـــه !!
وان لفينــــا للتواصيـــــف لله الكمـــــال...لاْ انتهــى ليـــل المزاييـــن جاتــــــك تبتديـــــه !
كنّهــا غفــل ٍ مــع البدو طاويها الحيـال..ما يميّــــز وصفهــا إلا نبيــــه ٍ مـــــــــن نبيـــــــــه.!!
ياْ اول أحلام الطفوله على حد ّ الخيــال...الرجى باللي حمى البيت من حملـــــــة بريــــــــه..
حال دونك سيف عنتر وتاسع حول حال...باْثــر حول ٍ حال دونك وانا ادعـــى هيــه هيــه !!
هيه ياللي غرّك الحسن واطغاك الجمـال...والله أني اموت ما شفت لأوصافـــك شبيـــــه !!
لو يسام الحسن والتيــه بجنيــه وريـــــال...ما بقــى في سوق غيرك ريـــــال ولا جنيــــــه !!
كيف أهدّك للمقادير وانتــي راس مـــــال...راس مال ومال..والمال ماْ يغطـــــي السفيــــه !!
حافظك حفظي لعيني ورمشي لك جلال...وانتي تْشحّين بالما..وانا شفّـــــي مويـــــــــه !!
شايف ٍ ظلمك وساكت وطال الليل طــال...لا نويتــي طعـــن قلبي وانا مـــا قلــــت ليــــــــه...
لو بقى للهيل صبر ٍ علـــــى فـــوح الدلال...ما بقى للهيل صبرٍ على شـــــــــي ٍ يجيـــــه!!
وانتي تْسوقين عقلي على حـــــدّ الهبال...تحسبين ان من بغى شي ..يقدر يشتريه !!!
ولاّ انا يا وجد حالي وجـــود ٍ مــا يقــــــال...وجــد مــن ضحّــى بغاليه لْرضــا والديــــــــــــه...
ويا وجودي بأول العمـر قبل ألبس عقال !!...وجد من باع آخر العمر ..في رغبــــة ذويـــه !!
ويا وجودي كل ما هبّ صوتك من شمــال...وجد من حدّه زمانه على اللي ما يب يه
ضيدان بن قضعان
[SOUND]http://www.movn.net/thedan_bn_qth3an/ya_wjody.ram[/SOUND]
اهداء خااااص جدا للاخت,,,,, alhanoof (( ؟؟؟؟؟؟؟؟؟))
العرض الشجري
