عباية فله ..والرجل الوطواط ..!!!

[ابوعبدالإلـه]

السلام عليكم ورحمة الله وبركاته

وكل عام وأنتم بخير

وسنة حلوة للجميع إن شاء الله

يلفت نظري في كل مره اروح فيها للسوق ببعض الصبايا اللي تتفاوت اعمارهن من بين 13 سنه إلى 17 سنه او اقل او اكثر قليلاً

بلبس شي اسود ربما يقصدون به العبايه او الحجاب الشرعي ...

الشعر من الخلف ظاهر والقذله من الامام إلى قمة الرأس ظاهره للعيان وهذا مع وجود الغطوه ..
ولا ننسى المكياج الصارخ والكثيف في الوجه

وتنزل شوي تحت تجد البلوزة ظاهره لك والجينز واضحه الماركه حقته ... والعبايه موجودة لكنها تطير خلف صاحبتها وكأنها الرجل الوطواط ( بات مان )..

وهن طبعا يتحجنن بصغر سنهم مع ان اغلبهم في سن البلوغ .!!


لدي بنت عمرها ماشاء الله تبارك الله 6 سنوات كنت اشتري لها عبايه فله يوم كان عمرها 3 سنوات الين وصلت إلى خمس سنوات وحالي حال غيري بإن خل البنت تتعود على العبايه من الآن

لكن الآن غيرت رأيي مع بنتي وقلت لها بلاش عبايه يابنتي الآن

لسبب ان الصبايا اللي نشوفهم,,, العبايه مهانه عندهم ربما واقول ربما كان من الاسباب هو لبسهم العبايه من الصغر ايام المراجيح والزحليقات لحد وصل الامر على التعود على اهمالها وعدم توقيرها

يدخل في الموضوع التربية والدين لكن هذا سبب من وجهة نظري ويمكن يكون خاطىء...

فانا منعت بنتي حتى إذا وصل وقت لبس العبايه يكون الامر جدي ويكون لها وقار وهيبة ..وانا مازلت اقاوم طلبها لعبايه جديدة وإن شاء الله اني اصدم امام هذا الطلب من اعز الناس ..

هذا رايي الشخصي وانتو وش رايكم ؟!!

والسلام عليكم ورحمة الله وبركاته